रामेछाप । लिखुतामाकोशी गाउँपालिकाको अध्यक्ष नेपाली कांग्रेसले र उपाध्यक्ष नेकपा एमालेले जित हात पारेको छ । गाउँपालिका प्रमुखमा नेपाली कांग्रेसका उम्म्मेदवार केशब महत विजयी भएका छन् ।
महतले ५ हजार १ सय १२ मत सहित गाउँपालिका अध्यक्षमा निर्वाचित भएका हुन् । त्यसैगरी गाउँपालिका उपाध्यक्षमा नेकपा एमालेबाट दिपा पाख्रिन ४ हजार १ सय २६ मत ल्याएर निर्वाचित भएकी छन् । महतले नेकपा एमालेका उम्मेदवार कमल कडरियालाई १ हजार १ सय ४ मतले हराएको छ भने नेकपा एमालेका उम्मेदवार दिपा पाख्रिनले नेपाली कांग्रेसका उम्मेदवार सरस्वती गुरुङ्ग खड्कालाई १ सय ३३ मतले हराएको छ ।
गाउँपालिका अध्यक्षका प्रतिस्पर्धी नेकपा एमालेका उम्मेदवार कमल कडरियाले ४ हजार ८ मत ल्याएका छन् । उपाध्यक्षका प्रतिस्पर्धी नेपाली कांग्रेसकी उम्मेदवार सरस्वती गुरुङ्ग खड्काले ३ हजार ९ सय ९३ मत ल्याएकी छन् ।
