काठमाडौं । नेपाली कांग्रेसको निर्वाचन केन्द्रित राष्ट्रव्यापी अभियान छोट्याइएको छ । भदौ २ गतेदेखि २४ गतेसम्मका लागि तय भएको अभियान ८ दिन छोट्टाएर १० गतेदेखि २४ गतेसम्म हुने भएको हो ।
पार्टी केन्द्रीय कार्यालय सानेपामा शनिबार बिहान बसेको बैठकले अभियानलाई छोट्याएर केही दिन पछि सार्ने निर्णय गरेको हो ।
भदौ महिनामै पार्टीबाट निर्वाचित भएका जनप्रतिनिधिका लागि अभिमुखीकरण कार्यक्रम आयोजना गर्ने भएकाले निर्वाचन केन्द्रित कार्यक्रम छोट्याइएको कांग्रेसले जनाएको छ । कांग्रेसका जनप्रतिनिधिको अभिमुखीकरण कार्यक्रम ३० र ३१ गते हुँदैछ ।
