माघ ०४
रामेछाप । नेपाली कांग्रेसका केन्द्रीय सदस्य प्रदिप पौडेलले इण्डोप्यासिफिक रणनीति अन्र्तगत (एमसीसी) संसदबाट पास हुने बतानुभएको छ । शनिबार रामेछापको मन्थलीमा नेपाल पेस युनियनले आयोजना गरेको पत्रकार सम्मेलन बोल्दै उहाँले यस्तो बताउनुभएको हो । केन्द्रीय सदस्य पौडेलले एमसीसी पास नगर्ने कुनै कारण नभएकाले कुनै पनि हालतमा संसदबाट पास हुने बताउनुभयो । उहाँले अहिलेको सरकार नीतिगत भ्रष्टचारमा लिप्त रहेको आरोप लगाउदै प्रतिपक्षीको भुमिकामा कांग्रेस खरो रुपमा उत्रिन नसकेको स्वकार गर्नुभयो ।
दुइतिहाइको सरकारले जनतामा कुनै पनि उपयुक्त काम नगरेको उहाँको भनाई थियो ।
उहाँले सुरुवाती चरणमा नेपाली जनता सरकारप्रती आशावादी रहेपनि त्यो आशा सरकारको काम गराइले निराशामा परिणत भएको टिप्पणी गर्नुभयो । केपी ओलि नेतृत्वको सरकारले जनताको हक अधिकारलाई विभिन्न ऐन कानूनहरु निमार्ण गरि मानवअधिकार, सञ्चार तथा सुचनाप्रविधी विधेयक जस्ता विभिन्न विधेयकहरु ल्याएर जनताको अधिकार कुण्ठित गर्ने खेलमा लागि परेको पनि स्पष्ट पार्नुभयो ।
पौड्लले कांग्रेस भित्र आन्तरिक विवाद रहेको तर हाल बाहिर चार्चमा आएको जस्तो नभएको दाबी गर्नुभयो । आन्तरिक विवाद चाडै समस्याहरु हल गरेर प्रतिपक्षीको भुमीका निर्वाह गर्ने आश्वसन दिनुभयो । कांग्रेस संसदमा रहुन जेलसम्म सुचना प्रविधि लगायत मानवअधिकार हनह हुने कुनैपनि ऐन संसदबाट पारीत हुन नदिने चेतावनी दिनुभयो । उहाँले सरकारले बहुमतको आडमा संविधानलाईनै लत्याउने काम गरेको भन्दै सरकारी रवैयाप्रति आक्रोस ब्यक्त गनुभयो । कांग्रेसका नेता कुनै एक गुटको अभिभावक भएर अहिलेको कम्युनिस्ट विरुद्ध लड्न नसकिने भन्दै उहाँले कम्युनिस्ट सरकार विरुद्ध लड्ने हो भने पहिले पार्टीलाई बलियो बनाउनुपर्नेमा जोड दिनुभयो ।
