बैशाख ५,
काठमाडौं । वर्ल्डोमिटर्सको पछिल्लो आँकडा अनुसार कोरोनाभाइरस संक्रमणका कारण ज्यान गुमाउनको संख्या १ लाख ४५ हजा ५ सय २१ पुगेकाे छ ।
संसारभरीका कूल २१ लाख ८२ हजार १ सय ९७ व्यक्ति संक्रमित छन् । संक्रमणबाट ठिक हुनेको संख्या ५ लाख ४७ हजार २ सय ९५ रहेको छ ।
अमेरिका कोरोनाभाइरसबाट सबैभन्दा प्रभावित देश । अमेरिकामा मृत्यु हुनेको संख्या ३४ हजार ६ सय १७ रहेको छ भने ६ लाख ७७ हजार ५ सय ७० संक्रमित छन् ।
इटली दोस्रो सबैभन्दा धेरै प्रभावित देश । इटलीमा मृतकको संख्या २२ हजार १ सय ७० । १ लाख ६८ हजार ९ सय ४१ संक्रमित ।
स्पेनमा मृत्यु हुनेको संख्या १९ हजार पार । संक्रमितको संख्या १ लाख ८४ हजार ९ सय ४८ ।
फ्रान्समा मृतकको संख्या १७ हजार ९ सयभन्दा बढी । हालसम्म कूल संक्रमितको संख्या १ लाख ६५ हजार २७ ।
बेलायतमा मृतकको संख्या १३ हजार ७ सय पार । संक्रमितको संख्या १ लाख ३ हजार भन्दा बढी ।
भारतमा हालसम्म कोरोना संक्रमणका कारण ४४८ को मृत्यु भइसकेको छ । संक्रमितको संख्या १३ हजार ४ सय ३० ।
सिंगापुरमा पछिल्लो २४ घण्टामा कारोनाभाइरसका ७२८ नयाँ संक्रमित भेटिए जुन एकदिनमा अहिलेसम्मको सबैभन्दा धेरै संख्या हो । यो संख्या एकदिन अघिको आँकडाभन्दा लगभग दोब्बर हो ।
जापानमा कोरोनाभाइरस संक्रमितको संख्या लगातार बढिरहेको छ । जापनले आपतकालको हटस्पटलाई बढाएर लगभग पूरा देशमा लागू गरिएको छ ।
अमेरिकी राष्ट्रपति डोनल्ड ट्रम्पले देशमा लागू प्रतिबन्धलाई हटाएर पुनः खोल्ने योजना बनाइरहेका छन् ।
कोरोनाभाइरसको संक्रमण रोक्ने मुद्दामा जारी मतभेदका कारण ब्राजिलका राष्ट्रपति जायर बोलसोनारोले देशका स्वास्थ्यमन्त्री लुइज हेनरिक मनडेटालाई बर्खास्त गरेका छन् ।
ब्रिटेनका विदेशमन्त्री डोमिनिक राबले कोरोनाभाइरस रोक्नका लागि देशमा कम्तीमा तीन हप्ताका लागि लकडाउन लम्बयाउने घोषणा गरेका छन् ।
न्यूयोर्कमा १५ मे सम्म लकडाउने बढाउने घोषणा गरेकाे छ । एजेन्सी
