रामेछाप । रामेछाप उद्योग वाणिज्य संघले आफना नव निर्वाचित पदाधिकारीहरुलाई सपथ तथा गोपनियताको सपथ ग्रहण गराएको छ । उसले बुधवार एक औपचारिक कार्यक्रमका वीच आफना नव निर्वाचित पदाधिकारीहरुको सपथ संगै पदस्थापन गराएको हो ।
सपथ कार्यक्रममा निर्वाचन अधिकृत राम प्रसाद पौडेलले अध्यक्ष नविन थापालाई र अध्यक्ष थापाले बाँकि पदाधिकारीहरुलाई सपथ गहण गराउनु भएको थियो । सपथ लगत्तै नव निर्वाचित पदाधिकारी हरुलाई संघका निर्वतमान अध्यक्ष केशब प्रसाद घिमिरेले पदस्थापन पनि गराउनु भएको थियो ।
कार्यक्रममा प्रमुख जिल्ला अधिकारी शोभाखर रेग्मीले निर्वाचित पदाधिकारीहरुलाई बधाई तथा शुभकामना दिंदै रामेछाप उद्योग वाणिज्य संघले ब्यवसायिहरुको हक हित र अधिकारका लागि काम गर्नुका साथै अन्य पक्षसंग समेत समन्वयात्म्क रुपमा काम गर्न आग्रह गर्नु भएको थियो ।
कार्यक्रममा नव निर्वाचित अध्यक्ष नविन कुमार थापाले आफनो समुहको जितले सबै ब्यवसायीहरुको जित भएको भन्दै आफनो कार्यकालमा आफुले सबै पक्षलाई समेटेर अघि बढ्ने धारणा राख्नु भयो । उहाँले पुर्व अध्यक्ष लगायतका अग्रजहरुको राय सल्लाह अनुसार आफुले काम गर्ने विश्वास दिलाउँदै सबै पक्षलाई सहयोगको लागि आग्रहपनि गर्नु भयो ।
कार्यक्रममा पुर्व अध्यक्षहरु लोक बहादुर श्रेष्ठ,पशुपति बहादुर खड्का र श्याम थापा,नेपाल पत्रकार महासंघका अध्यक्ष बद्री नयाँघरे लगायतका बक्ताहरुले पनि नब निर्वाचित पदाधिकारीहरुलाई शुभकामना दिंदै सबै संग समन्वय गरेर काम गर्नका लागि सुझाब दिनु भएको थियो । नब निर्वाचित पदाधिकारीको पहिलो बैठक आजै बसेको जानकारी संघका बरिष्ठ उपाध्यक्ष प्रकाश श्रेष्ठले दिनु भयो ।
रामेछाप उद्योग वाणिज्यका नव निर्वाचित पदाधिकारीहरुले लिए सपथ
