सिन्धुली । २० औँ महिला सामुदायिक स्वास्थ्य स्वयंसेविका दिवसको अवसरमा गोलञ्जोर गाउँपालिकाले उत्कृष्ट स्वयंसेविका सम्मानित गरेको छ । गाउँपालिकाले उत्कृष्ट तिन जना स्वयंसेविकाहरू लाई दोसल्ला ओढाएर प्रमाणपत्र दिएको थियो साथै उपहारमा करुवा समेत प्रदान गरेको थियो ।
स्वस्थ पालिका निर्माणमा स्वास्थ्य स्वयंसेविकाको महत्त्वपूर्ण भूमिका रहने गाउँपालिका अध्यक्ष तथा कार्यक्रमका प्रमुख अतिथि शंकर राज बरालले बताए । सबै भन्दा पहिले नागरिक स्वस्थ रहन जरुरी रहेको र नागरिकलाई स्वस्थ राख्न स्वास्थ्यकर्मी र स्वास्थ्य स्वयंसेविकाको उल्लेखनीय योगदान रहेको अध्यक्ष बरालले बताए । स्वास्थ्य स्वयंसेविकाको परिवारलाई निःशुल्क स्वास्थ्य बिमा गाउँपालिकाबाट गरिदिने योजना ल्याएको समेत अध्यक्ष बरालले बताए । गर्भवती महिलालाई सुत्केरी गराउन स्वास्थ्य संस्था सम्म पु¥याए बापत महिला स्वास्थ्य स्वयंसेविकालाई यातायात बापतको रु ४ सय उपलब्ध गराउने समेत अध्यक्ष बरालले घोषणा गरे ।
स्वास्थ्यकर्मी र स्वस्थ स्वयंसेविकाकाकारण गाउँपालिकाभित्र स्वास्थ्य क्षेत्रमा उल्लेखनीय प्रगति भएको गाउँपालिका उपाध्यक्ष ज्वाला प्रसाद न्यौपानेले बताए । उपाध्यक्ष बरालले स्वास्थ्य कर्मीहरूको प्रशंसा समेत गरे ।
२० औँ महिला सामुदायिक स्वास्थ्य स्वयंसेविका दिवसको अवसरमा हाजिरी जवाफ प्रतियोगिता समेत आयोजना गरिएको गाउँपालिका प्रमुख प्रशासकीय अधिकृत दीपेन्द्र कुमार पैकराले जानकारी दिए । “हामीले हाजिरी जवाफ प्रतियोगिता समेत आयोजना गरेका थियौँ । सो अवसरमा वडा नम्बर ४ का स्वयंसेविकाहरू प्रथम भएका छन् । त्यस्तैगरी वडा नम्बर ३ दोस्रो र वडा नम्बर २ तेस्रो भएको छ । उनीहरूलाई क्रमशः १ हजार ५ सय, १ हजार र ५ सय नगद द्वारा सम्मान समेत गरेको छ ।“ कार्यक्रमको अध्यक्षता गरेका प्रमुख प्रशासकीय अधिकृत पैकराले भने ।
पालिकाको सातै वडाबाट सहभागी स्वास्थ्य स्वयंसेविका लगायत कार्यक्रममा सहभागीहरू विभिन्न सन्देशमूलक ब्यानर बोकेर ग्वालटार बजार समेत परिक्रमा गरेका थिए ।
कार्यक्रममा जिल्ला रेडक्रसका सभापति गौरभ कार्की, सिड्स नेपालका प्रतिनिधिहरू, पालिकाका वडा अध्यक्ष तथा जनप्रतिनिधिहरू, गाउँपालिकाका शाखा प्रमुख लगायत अन्य कर्मचारीहरूको समेत सहभागिता रहेको थियो ।
सिन्धुलीको गालञ्जोर गाउँपालिकाका ३ स्वयंसेविका सम्मानित
Leave a Reply
