- गजल १
- कसैको पछि मुस्कान मेरो पछि भय लागेर हो ।
कोही मेरो बनेन माया अभिनय लागेर हो । - गजलका सन्तान सेरहरु बिदामा केही भेटिन्छ्न्
अरुदिन भेटिदैनन् सायद विद्यालय लागेर हो । - वर्षौ देखी थला पर्दा पनि आजसम्म जिउँदैछु
मेरो दुर्गम वस्तीमा काल आउन समय लागेर हो । - खुशीको मूल शब्द थेँ चोटको व्युत्पन्न शब्द बनेँ
मेरो खुशीमा पीडै पीडाको मात्रै प्रत्यय लागेर हो । - छोराले सोध्यो – बा त्यसपछि किन पढ्नु भएन ?
जवाफमा भनेँ -गरिबी भन्ने बिषय लागेर हो ।
- गजल २
- यता कसै-कसैको असाध्यै सम्झना भयो
सम्झना बाडुल्की बन्यो र उता सूचना भयो - विकास तीब्र गतिमा दौड्दैछ भन्नुहुन्छ
हाम्रोमा आएन त कहाँ दुर्घटना भयो ? - उनको माया म कहाँ आउँदै गर्दा सकिन्छ
कसरी आमा र उनको मायामा तुलना भयो? - पछाडिबाट भएपनि प्रथम त भएँ सोच्दैछ
जो चार जनाको प्रतिस्पर्धामा सान्त्वना भयो - प्रगती गर्नुछ भने अफ्ठ्यारोमा याद गर्नू
पहाडबाट हाम फाल्दा खोलो झरना भयो - अस्ति वसन्तसँग थियौ आज शरदसँग छ्यौ
ऋतु १ तिम्रो बानी बेहोरा मलाई चेतना भयो
- गजल ३
- हामीलाई चिन्ताले जिउँदै चिताले मरेपछि जलाउँछ
पालो चिन्ताको काल अघि चिताको कालपछि आउँछ - यति अनुभव प्राप्त भएछ हरेक काम कुरामा छोरो
त्यस्तो हैन यस्तो हो भनेर आफ्नै बाबुलाई सिकाउँछ - हामी कामलाई ओछ्याउँछौ कामकै माथि निदाउँछौ
बरु फाली काम गर्दै जान्छ हलो जुवाभित्र निदाउँछ - धिप -धिप गरेर बल्दैछ मेरी आमाको दिलको दीयो
नसोच्नुहोला पीडाको सानो हुरीले पनि निभाउँछ - बन्चरोले बिँड बनाउन रुखसँग रुखको औँला माग्यो
भोलि बन्चरोसँग मिलेर औँलाले रुखको शीर छिनाउँछ
- गजल ४
- चर्को भएछ बाबु कारबाही गर्नुपर्छ, अब नुन माथि
पुग्दैन भनेर यसरी आमाले पानी थपिन्, तिहुन माथि - तिम्रो प्रेम आएर मेरो दिलको छेउमा ,टाँस्सेर बस्यो
मलाई त्यो बेला लाग्यो घाम आएर बस्यो, बिस्कुन माथि - गल्ती गर्ने एउटा सजाय पाउने अर्को, भनेको यही हो
मेरो खुट्टा तान्ने गरिन्छ हात हाल्ने गर्छु ,जुन-जुन माथि - बाले घरमा सानी आमा ल्याएर राखे ,आमाले सहिनन्
तीखो काँडा राखे जस्तै भयो हावा भरेको, बेलुन माथि - बर्षौ सम्म मेहनत गर्दा गर्दै पनि, हजार बन्न सकिन
तिमीले पनि प्रेम लगानी गर्न सकिनौ, चानचुन माथि
