वैशाख ३१,
रामेछाप । भोली (बिहिबार) बाट रामेछाप जिल्लामा कुनै पनि सवारी साधान संचालन गर्न नपाईने भएको छ । गृह मन्त्रालयले लकडाउनमा थप कडाइ गर्न जिल्ला प्रशासनलाइ निर्देशन दिएसंगै जिल्लामा यसलाई कार्यान्वयन गर्न लागेको प्रमुख जिल्ला अधिकारी रुद्रा देवी शर्माले बताउनुभयो ।
उहाँले जनता भ्वाईसंग कुरा गर्दै भन्नुभयो– “भोलीदेखी जिल्लाबाट जुनसुकै सवारी साधन एक जिल्लाबाट अर्को जिल्लामा जानको लागि गृह मन्त्रालयको अनुमति भएमात्रै बाहिरन पाउने छन् भन्नुभयो” ।
त्यस्तै जिल्लाभित्र हाल संचालन भैरहेका यातायातको सवालमा के हुन्छ ? भन्ने प्रश्नको जवाफ दिदै उहाँले “भोलीबाट कुनै यातायात चल्दैनन् यो पहिले नै गर्नु पर्ने थियो, अलि ढिलाभयो र पनि यो भोलीबाट कार्यान्वयन हुन्छ भन्नुभयो ।”
तरकारी तथा फलफुल, खाद्ययन्न खरिदको लागि बिहान ६ देखी ९ बजेसम्मलाई आशिंक रुपमा सामाजिक दुरीकायम गरि पसलहरु खोल्न सक्ने उहाँको भनाइ छ । त्यस्तै जिल्लामा संचालित विकास निर्माणका कामको बारेमा माथीको निर्णय नभएकाले सुचारुनै रहने सम्भावन रहेको छ भन्नुभयो । उहाँले निर्माणका काम रोक्ने आदेश आएको छैन् त्यसैले यसबारेमा भोली हामीले बैठक डाकेका छौं त्यसपछि छलफल हुन्छ भन्नुभयो ।”
सामाग्री ढुवानी भने यसअघि पनि नियमित भएकाले तत्काललाई बन्द हुन्छ । “हाम्रो विकास निर्माणलाई असहयोग गर्ने नियत हैन, समन्वय गर्ने ठाउँमा आवश्यक छलफल गरेर त्यो हुन्छ तर तत्काललाई सबै यातायात बन्द हुन्छन् । अहिलेलाई सार्वजनिक, निजी सरकारी सबै यातायात भोलीबाट बन्द हुन्छ । अत्यावश्यक बाहेक भन्नुभयो ।”
बिरामीको हकमा पनि बिरामी भएको कुनै प्रमाण मन्त्रालयमा जानकारी गराएर मात्रै जानपाउने छन् । जिल्लामा विभिन्न ठाउँमा हाल (हाइड्रो पावर) जलविधुत आयोनाहरुको काम संचालनमा छन् । यस अघिको बन्दाबन्दीमा हाइड्रो पावरका मालवहाक गाडी सामान ल्याउने नाममा निर्वाध रुपमा संचालन हुदै आएका छन् ।
त्यस्तै बिहिबारबाट जिल्लामा हालको क्वारेन्टाइन र आईसोलेसल वाडले नधान्ने भन्दै यसलाई विस्तार गरि परिक्षणको दायरा बडाउन लागिएको छ । अहिलेको परिक्षणको गतिले हामी सफल हुदैनौं त्यसलाई ब्यापक बनाउनुपर्छ जिल्लाका सबै स्कूल र कलेजमा हामी क्वारेन्टाइन् र आइसोलेसन वाड तयार पार्न लागि परेका छौं प्रजिअले भन्नुभयो । फाइल : फोटो
