जेठ १५
काठमाडौं । नेपालमा बुधबार एकैदिन १ सय २९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौं, धरान, विराटनगर, पोखरा, हेटौंडा, दाङ, पोखरा र सुर्खेतमा गरिएको परीक्षणमा एकैदिन यति धेरै संख्यामा संक्रमित भेटिएका हुन् । योसँगै कुल संक्रमित संख्या ९ सय १ पुगेको छ ।
मन्त्रालयका प्रवक्ता डा. विकास देवकोटाका अनुसार बुधबार धरानको बीपी कोइराला स्वास्थ्य विज्ञान प्रतिष्ठानमा गरिएको परीक्षणमा ११ जनामा पोजेटिभ देखिएको छ । पोजेटिभ देखिएकाहरु सबै सप्तरीका हुन् ।
कोसी अस्पतालमा गरिएको परीक्षणमा झापाका १७ जना , हेटौंडामा भएको परीक्षणमा रौतहटका ७ सहित ८ जना, पोखरामा भएको परीक्षणमा बागलुङका ६ जना, दाङमा भएको परीक्षणमा रुकुम पूर्वका ३, दाङमा १५ गरी १८ जना, बाँकेको भेरी अस्पतालमा भएको परीक्षणमा १६ जनामा कोरोना पोजेटिभ देखिएको प्रवक्ता डा. देवकोटाले बताए ।
यो पनि पढनुहोस्
१ सय १४ जनामा कोरोना पुष्टि : संक्रमिको संख्या ८८६
त्यस्तै राष्ट्रिय जनस्वास्थ्य प्रयोगशालामा गरिएको परीक्षणमा ३८ जनाको पोजेटिभ रिपोर्ट आएको छ ।
उता वीरेन्द्रनगरको प्रयोगशालामा भएको परीक्षणबाट १५ जनामा पोजेटिभ देखिएको सामाजिक विकास मन्त्रालयको स्वास्थ्य महाशाखाका प्रमुख डा. लक्ष्मीनारायण तिवारीले जानकारी दिए । नेपालमा बुधबार संक्रमण देखिएका मध्ये पुरुष ८ सय ५ र महिला ९६ रहेका छन् । हालसम्म ५ जनाको कोरोनाका कारण मृत्यु भएको छ भने १ सय १ ८३ जनाले कोरोनालाइ जितेका छन् ।
