सम्झना श्रेष्ठ, जेष्ठ १६ सिन्धुलीमाढि ।
आगामी आर्थिक वर्ष २०७७÷७८ का लागि सिन्धुलीमा ३ अर्व २७ करोड ३७ लाख रुपैयाँ वजेट विनियोजन गरिएको छ । सरकारले राष्ट्रिय गौरवको आयोजनाका रुपमा अगाडि बढाएको सुनकोशी–मरिण डाइभर्सन आयोजनाका लागि २ अर्ब ४६ करोड रुपियाँ विनियोजन गरेको छ । यस्तै मदन भण्डारी राजमार्ग निर्माणका लागि ५ वर्ष ३ अर्ब ७ करोड रुपैयाँ बजेट छुट्याइएको छ । सिन्धुलीमा मरिण सुनकोसी डाइभर्सन, बीपी राजमार्गको स्तरोन्नति, मदन भण्डारी राजमार्ग, मध्यपहाडी राजमार्ग र उत्तर दक्षिण राजमार्गमा पनि बजेट प्राथमिकतामा परेका छन् ।
सरकारले आगामी आर्थिक वर्ष २०७७÷७८ का लागि १४ खर्व ७४ अर्व ६४ करोड रुपैयाँको वजेट सार्वजनिक गरेको छ । जसमध्ये चालुतर्फ ९ खर्ब ४८ अर्ब ९४ करोड, पुँजिगततर्फ ३ खर्ब ५२ अर्ब ९१ करोड र वित्तिय व्यवस्थातर्फ १ खर्ब ७२ अर्ब ७९ करोड रुपैयाँ खर्च विनियोजन भएको छ । ९ वटा स्थानिय तह रहेको सिन्धुलीमा कमलामाइ नगरपालिकामा सबैभन्दा धेरै ६४ करोड ३४ लाख वजेट विनियोजन भएको छ भने सबैभन्दा कम घ्याङलेख गाउँपालिका १९ करोड १७ लाख रुपैँया विनियोजन भएको छ ।
सिन्धुलीका स्थानीय तहमा आएका बजेटः कहाँ कती ?
१ कमलामाइ नगरपालिकामाः ६४ करोड ३४ लाख
२ दुधौली नगरपालिकामाः ५४ करोड ५ लाख
३ तिनपाटन गाउँपालिकामा ः ४४ करोड २० लाख
४ सुनकोसी गाउँपालिकामाः ३२ करोड ९२ लाख
५ गोलन्जोर गाउँपालिकामाः २८ करोड ६२ लाख
६ मरिण गाउँपालिकामाः २८ करोड २६ लाख
७ फिक्कल गाउँपालिकामाः २७ करोड ९५ लाख
८हरिहरपुरगढी गाउँपालिकामाः २७ करोड ८६ लाख
९ घ्याङलेख गाउँपालिका १९ करोड १७ लाख
