जेठ ३०,
रामेछाप । शुक्रबार नेपालमा थप ४ सय ४८ जनामा कोरोना संक्रमण भएको छ । जसमध्ये ४२४ जना पुरुष र २४ महिला रहेका छन् । यससँगै नेपालमा कोरोना भाइरस संक्रमण भएका व्यक्तिहरुको संख्या ५ हजार नाघेको प्रवक्ता डा जागेश्वर गौतमले बताए ।
आजसम्म नेपालमा कोरोना संक्रमितको कूल संख्या ५ हजार ६२ पुगेको छ । जसमा पुरुष ४ हजार ७०९ र महिला ३५३ रहेका छन् ।
हाल नेपालको ७२ जिल्लामा कोरोना संक्रमण फैलिएको छ । १६ जनाको कोरोनाका कारण मृत्यु भएको पुष्टि भएको छ । बिहिबार अर्घाखाँचीमा थप एक जनाको मृत्यु भएको कोरोनाकै कारणले भएको प्रवक्ता डा गौतमले बताए । उनको अस्पतालबाट फर्कँदै गर्दा हिजो ज्यान गएको थियो ।
त्यस्तै मन्त्रालयका प्रवक्ता गौतमका अनुसार विगत २४ घण्टामा ४ जना महिलासहित १६ जना डिस्चार्ज भएका छन् । डिस्चार्ज हुनेको कुल संख्या हालसम्म ८ सय ७७ जना पुगेको छ । file photo
