असार १४
काठमाडौं । संस्कृति, पर्यटन तथा नागरिक उडड्यन मन्त्री योगेश भट्टराईले काम राम्रो नगर्ने कर्मचारीलाइ कामबाट हटाउने चेतावनी दिएका छन् । उनले सन्तोषजनक नभए कर्मचारीलाई हटाउने चेतावनी दिएका हुन् ।
आइतबार मन्त्रालयमा सिनियर मेनेजमेन्ट टिम (एसएमटी) छलफलमा मन्त्री भट्टराईले आगामी आर्थिक वर्षको सुरुवातवाटै मन्त्रालय काममा ‘प्रोएक्टिभ’ भएर काम सुरु हुने आश्वसन समेत दिए ।
उनले भने- अहिल्यै मैले पूर्व सूचना गरेको छु । साउनबाट हामी काममा ‘प्रोएक्टिभ’ भएर लाग्छौं । राम्रो काम नगर्ने कर्मचारीलाई हटाइन्छ । त्यो बेला मन्त्रीले बलपूर्वक हटायो नभन्नु होला ।
आफूले प्रधामन्त्रीसँग, सचिवले आफूसँग कार्यसम्पादन सम्झौता गर्ने अभ्यास स्मरण गराउँदै मन्त्री भट्टराइले कर्मचारीले मन्त्रालयका सचिवसंग गरेको कार्य सम्पादनको नतिजा आउने गरी काम गर्नुपर्ने उल्लेख बताए ।
चालू वर्षमा सम्पन्न हुन वाँकी काम पनि १५ दिनभित्र गर्न उनले निर्देशन दिए । बैठकमा मन्त्री भट्टराईले प्रत्येक हप्ता प्रत्येक महाशाखाहरुको कामको रिर्पोटिङ गरिने जानकारी दिए । file Photo
