कोरोनाको खोप किन्न नसकेर हात थापिरहेको सरकार चुनावको नाटक गर्दै छ: पौडेल

माघ ७ रामेछाप

रामेछाप– नेपाल कम्युनिष्ट पार्टी (नेकपा) का केन्द्रीय सदस्य तथा रामेछाप जिल्ला इञ्चार्ज देवशंकर पौडेलले सरकारले कोरोनाको खोप किन्न नसकेर हात पसार्दै छ तर चुनावको नाटक गरिरहेको बताए ।
हामी सबै कार्यकर्ताहरुलाई असल कम्युनिष्ट बन्न प्रेरित गर्दछौं र प्रेरणा लिन्छौं पनि पौडेलले भने । हामी नेपाललाई उज्यालो बनाउने कुलमान घिसिङको जिल्लाको मान्छे हौं हामी । लोडसेडिङ कुलमानले हैन, हामीले गरेका हौं भन्नेहरु फेरि नेपालमा लोडसेडिङ गर्दैछन् धिक्कार छ तीनिहरुलाई जिल्ला इञ्चार्ज पौडेलले भने ।
असुरक्षा भएको भन्दै प्रधानमन्त्री केपी ओली ९ महिनासम्म बालुवाटारबाट पार्टी कार्यालय जानु भएन, सिंहदरबार जानु भएन, तर अहिले पूर्व र पश्चिम पुगेर भाषण गरिरहनु भएको छ, यो कस्तो नाटक हो । बुधबार रामेछापको दोरम्बा गाउँपालिका–२ ले आयोजना गरेको जनसभा कार्यक्रमलाई संवोधन गर्दै जिल्ला इञ्चार्ज पौडेलले यस्तो बताएका हुन् ।
प्रधानमन्त्री केपी ओलीले भारतले नाकाबन्दी लगाएको बेलामा ९९ नम्बर ल्याउनुभयो, सबैलाई केपी ओली राष्ट्रवादी हो भन्ने पनि प¥यो तर अहिले आएर ओलीले शून्य नम्बर ल्याउनुभयो, त्यसैले प्रधानमन्त्री ओली फेल भइसक्नु भएको छ पौडेलले भने ।
घरको अभिभावकले ढाट्दैन तर हाम्रो देशको अभिभावकले ढाट्दै छ अनि केही लाउकेहरु उनको पछाडि लागिरहेका छन् । आपूmसँग भएको दुई तिहाई बहुमतलाई फालेर मुइको टिप्न खोज्दै छ, मुर्खले पानीमा खसेको ५ रुपैयाँ टिप्न निहुरिदा खल्तीमा भएको सय रुपैयाँ झरेकोजस्तै हालत हुँदैछ केपी ओलीको पौडेलले भने ।