काठमाडौँ – कोरोना जोखिम बढेपछि विद्यालयहरू बन्द गरिएको छ ।विद्यार्थीहरूले कोरोना विरुद्धको खोप नलगाएकाले यसै विरुद्ध खोप लगाउन केही दिन विद्यालय खोलिने भएको छ।
कोभिड–१९ संकट व्यवस्थापन केन्द्र (सीसीएमसीसी) ले विद्यालयमा कोरोनाविरुद्ध खोप अभियान सञ्चालन गर्न माघ १६ देखि २० गतेसम्म विद्यालय खोल्ने निर्णय गरेको हो।
मंगलबार गृहमन्त्रालयमा बसेको सीसीएमसीसीको बैठकले यसअघि बन्द गरिसकिएका विद्यालयहरु खोप अभियानका लागि माघ १६ देखि २० गतेसम्म खुलाउने निर्णय गरेको हो।
