१० माघ, काठमाडौं । पछिल्लो २४ घण्टामा १० हजार ३ सय १९ जनामा कोरोना भाइरस संक्रमण पुष्टि भएको छ भने आज कोरोना भाईरसका कारण ४ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार देशभर २१ हजार २ सय १ जनाको नमुना परीक्षण गरिएको थियो । नमुना परिक्षण गरिएको मध्ये १६ हजारर ६ सय ५४ नमुनाको पीसीआर टेष्ट गर्दा ८ हजार ५४ र ४ हजार ५४७ नमुनाको एन्टीजेन टेष्ट गर्दा २२६५ जनामा संक्रमण पुष्टि भएको हो ।
संक्रमण भन्दा निको हुनेको संख्या भने कम छ । पछिल्लो २४ घण्टामा २ हजार ५ सय ४० जना संक्रमणमुक्त भएका छन् । हाल देशभरमा ८२ हजार ५सय५० संक्रिय संक्रमित छन् ।
नेपालमा आज सम्म थपिएको सँग कोरोना संक्रमितको कुल संख्या १० लाख ३३ हजार ६ सय २६ पुगेको छ । यो सँगै नेपाल मृत्यु हुनेको संख्या ११ हजार ६ सय ५९ पुगेको छ भने ८ लाख २४ हजार २ सय ३९ जना संक्रमणमुक्त भएका छन् ।
