काठमाडौं । नेपाल समाजवादी पार्टीका अध्यक्ष डा. बाबुराम भट्टराई बालुवाटार पुगेका छन् । प्रधानमन्त्री शेरबहादुर देउवालाई भेट्न मंगलबार साँझ भट्टराई बालुवाटार पुगेको उनको सचिवालयले जनाएको छ ।
दुई नेताबीच अहिले छलफल जारी छ । समसामयिक राजनीतिक विषयदेखि गठबन्धन, चुनावी तालमेल लगायतका विषयमा छलफल भैरहेको बालुवाटार पुगेका एक नेताले जानकारी दिए ।
छलफलमा नेपाल समाजवादी पार्टीका अर्का अध्यक्ष महेन्द्र यादव पनि सहभागी छन् ।
