पुस २७
झापामा हातीकाे आतंक दिनदिनै बढ्दै गएकाे छ । झापाको शिवसताक्षी नगरपालिकामा हात्तीको बथान गाउँमा पसेपछि स्थानीयलाइ ज्यान जोगाउन मुस्किल परेकाे छ भने घर छाडेर भाग्न बाध्य भएका छन्।
शिवसताक्षी नगरपालिका वडा नम्बर ८ सम्झना चोकको दक्षिण क्षेत्रका ५ घर हात्तीले राती भत्काएको छ भने किसानले भण्डारण गरेको अन्न समेत नष्ट गरेकाे छ । एक महिनादेखि चार वटा हात्तीले शिवसताक्षी नगरपालिकाका विभिन्न ठाउँमा घर भत्काउने,अन्न खाने गरेको स्थानीयले बताएकाछन् । गत साता हात्तीले एक जना महिलाको ज्यान समेत लिएको थियो।
स्थानीय अनिस तामाङ, तिलबहादुर तामाङ, हस्तबहादुर लामा, राजकुमार राई र कृष्ण इजमको घर हात्तीले भत्काएको हो। बेलुकी ११ बजेदेखि गाउँ पसेका हात्ती बुधबार बिहान ४ बजे जंगल फर्किएका थिए। रतुवामाई वृक्षारोपण आयोजनाको जंगल हातामा दिनभर बस्ने र रात परेपछि मानव बस्तीमा हात्ती पस्ने गरेका छन्।
