२७ पौष, रुामेछाप । ‘रारा राष्ट्रिय म्युजिक अवार्ड’जिल्लाका आधा दर्जन कलाकारले हात पार्न सफल भएकाछन् । नेपाली कला संस्कृतिको उत्थान, सष्टाहरुको सम्मान’ भन्ने नाराका साथ कर्णाली कलाकार समाज र कनका सुन्दरी फिल्म्सले संयुक्त रूपमा काठमाडौंमा आयोजना गरेको ‘‘रारा राष्ट्रिय म्युजिक अवार्ड २०७९’’मंगलबार सम्पन्न भएको हो ।
अवार्ड राष्ट्रपति विद्यादेवी भण्डारीको प्रमुख अतिथ्यतामा राष्ट्रिय सभा गृहमा भएको हो । अवार्ड कार्यक्रम अन्तरगत नोमिनेसनमा परेका उत्कृष्ट पाँच विधाका कलाकारलाई राष्ट्रपति भण्डारीले अवार्ड वितरण गरेकी हुन् । जसमा रामेछापका गायक प्रकाश कटुवाल बेष्ट लोकदोहोरी गायकको अवार्डबाट सम्मानित भएकाछन् । अर्का कलाकार सुमन खड्का सर्वोत्कृष्ट लोकदोहोरी नव मोडलबाट अवार्ड हात पारेकाछन् ।
त्यस्तै गायक सबिन चौहानले पब्लिक च्वाइसबाट अवार्ड जितेकाहुन् ।
त्यस्तै गायक नकुल गौतमले लोकदोहोरी गायक नव बिधा र लोकदोहोरी गायक गोबिन्द गौतमले सबोत्कृष्ट लोक दोहोरी गायकको जुरिज अवार्ड जितेकाछन् ।
