सिन्धुली । ओखलढुंगाबाट काठमाण्डौका लागि छुटेको यात्रुबाहक बस सिन्धुलीको फिक्कल गाउँपालिका ४ कुईभिरमा दुर्घटना भएको छ ।
उक्त दुर्घटनामा परि ५ जनाको घटना स्थलमै मृत्यु भएको छ भने अन्य २४ जना घाईते भएका छन् । दुर्घटनामा परी घाईते भएका मध्ये धेरैको अवस्था गम्भीर रहेको जिल्ला ट्राफिक प्रहरी कार्यालयले जनाएको छ ।
आईतबार बिहान सिद्धिचरण नगरपालिका ४ रुम्जाटारबाट यात्रु लिएर हिँडेको बा २ ख ६५९६ नम्बरको बस अचानक ब्रेक फेल भएर सडककै भित्तामा ठोक्किदा दुर्घटना भएको हो ।
जिल्ला ट्राफिक प्रहरी कार्यालयका अनुसार दुर्घटनामा परी मृत्यु हुनेहरुको पहिचान हुन बाँकी रहेको छ ।
दुर्घटनाका घाईते केहीलाई उपचारका लागि नजिकको स्वास्थ्य संस्थाहरुमा पठाईएसकिएको छ भने उद्धार कार्य जारी रहेको छ ।
दुर्घटनाको विस्तृत विवरण आउन बाँकी रहेको जिल्ला ट्राफिक प्रहरी कार्यालयले जनाएको छ ।
