अशोज ८,काठमाडौँ
नेपाल वैदेशिक रोजगार व्यवसायी संघमा सत्ता पक्षिय प्यानल पराजित भएको छ । नेकपा र संघीय समाजवादी सहित निकट व्यवसायीहरुको समुहलाई पराजीत गर्दै कांग्रेस निकट सबै उमेद्वारहरु विजयी भएका छन् । संघको अध्यक्षमा नेपाली कांग्रेस निकट विष्णु गैरे निर्वाचित हुनुभएको छ ।
वुधबार विहान सकिएको मत गणनामा कांग्रेस निटक गैरेले सत्तारुढ दल निकट गठबन्धनका उम्मेदवार सरोज पोखरेललाई ४७ मतले पराजित गर्दै २ वर्षे कार्यकालका लागि संघको नेतृत्व पाउनुभएको हो । १७ सदस्यीय कार्यसमितिका पदाधिकारी जम्मै पदमा कांग्रेस प्यानलका उम्मेदवार निर्वाचित भएका छन् ।
निर्वाचनमा गैरेले ३ सय ३० मत प्राप्त गर्दा निकटम प्रतिद्वन्द्वी पोखरेलले २ सय ८३ मत मात्रै प्राप्त गर्नुभएको छ । निर्वाचनमा कुल ६१९ मत खसेको थियो । संघको पूर्व उपाध्यक्षसमेत रहनुभएका गैरे नेपाली कांग्रेसको सुभेच्छुक संस्था नेपाल लोकतान्त्रिक वैदेशिक रोजगार व्यवसायी फोरमका पूर्वअध्यक्ष हुनुहुन्छ ।
प्रथम उपाध्यक्ष पदमा लोकतान्त्रिक समूहकै कमल तामाङले ३ सय ८१ मत प्राप्त गर्दै विजयी हुनुभएको छ भने उहाँका प्रतिद्वन्द्वी हरिबहादुर पाण्डेले २ सय ३० मत प्राप्त गर्नुभएको छ ।
द्वितीय उपाध्यक्षमा कमलदेव मल्लले ३ सय २२ मत ल्याउँदा निकटम प्रतिद्वन्द्वी मुक्तिनाथ अधिकारीले २ सय ८७ मत पाउनुभएको छ । यसैगरी तृतीय उपाध्यक्षमा किशोर कुमार केसी निर्वाचित हुनुभएको छ ।
किशोरले ३ सय ६० मत प्राप्त गर्दा उहाँका निकटम प्रतिद्वन्द्वी अख्तर हुसेनले २ सय ४४ मत ल्याउनुभएको छ ।
महासचिवमा पनि लोकतान्त्रिक प्यानलकै सुजितकुमार श्रेष्ठ निर्वाचित हुनुभएको छ । श्रेष्ठले ३ सय ८८ मत ल्याउँदा नेकपा प्यानलका उम्मेदवार रामचन्द्र गिरिले २ सय २३ मत प्राप्त गर्नुभएको छ ।
सचिवमा मेघनाथ भुर्तेलले ३ सय ३३ मत प्राप्त गर्दा प्रतिद्वन्द्वी सन्जु गुरुङले २ सय ७३ मत पाउनुभएको छ । कोषाध्यक्षमा इन्दिरा गुरुङले ३ सय ६७ मत प्राप्त गरी विजय ुहह्दा प्रतिद्वन्द्वी तेजुमाया लिम्बूले २३८ मत प्राप्त गर्नुभएको छ ।
सदस्यहरु कर्णराज कटुवाल, दिनेश कुमार राय , सुरेन्द्र अर्याल, हर्कबहादुर लिम्बु, बिजय लामा, वावुलाल मगर नरेन्द्र, केशवराज न्यौपाने, छविलाल भटराई, जंगबाहादुर ईजम, लक्ष्मण पौडेल बिजयी हुनुभएको छ ।
