बैशाख २६,
विराटगर । आज प्रदेश १ मा थप ८ जना कोरोनाभाइरसलाइ जितेर घर फर्किएका छन् । कोशी अस्पतालमा उपचाररत उनीहरुलाई दोस्रो पटक आरटी पिसिआर गर्दा रिपोर्ट नेगेटिभ आएपछि शुक्रबार बिहान डिस्चार्ज गरिएको हो ।
गएको बुधबार मात्रै ६ जना कोरोनालाई पराजित गर्दै डिस्चार्ज भएका थिए । कोशी अस्पताल कोभिड–१९ उपचार केन्द्रमा अब १७ जना कोरोना संक्रमित रहेका छन् । उनीहरु सबैको अवस्था सामान्य रहेको छ । प्रदेश १ मा जम्मा कोरोना संक्रमितको संख्या ३१ थियो ।
प्रदेश नम्बर १ को सामाजिक विकास मन्त्रालयका अनुसार शुक्रबार डिस्चार्ज भएकामध्ये पाँचजना उदयपुरको त्रियुगा नगरपालिका– ३ भुल्केका हुन् भने २ जना विराटनगर महानगरपालिका–१७ का बासिन्दा हुन् ।
यस्तै एक जना भारतीय नागरिक छन् । यो सँगै नेपालमा कोरोनासंक्रमण पछि निको हुनेको संख्या ३० पुगेको छ । हाल नेपालमा कोरोना संक्रमितको संख्या १०१ रहेको छ । फोटो : सामाजिकसंजाल
