असार १३, जनता भ्वाइस संवाददाता, रामेछाप
कोरोना भाइरस कोभिड १९ को कारण शहरबाट गाउँ छिरेका करिब ६ यस युवाहरुलाई विभिन्न विकास निर्माणका कार्यमा रोजगारी दिई दैनिक जीविकोपार्जनमा सहज बनाएको खाँडादेवी गाउँपालिकाका अध्यक्ष प्रेम तामाङ्ले बताएका छन् । शहरमा विभिन्न कारणले बसोबास गर्दै आइरहेका खाँडादेवी गाउँपालिका भित्रका युवाहरुलाई आफ्नो गाउँपालिकाको विकास निर्माणको कार्यमा लगाएको तामाङ्ले बताएका छन् ।
त्यस्तै अर्को एक प्रसंगमा अध्यक्ष तामाङले आफ्नो गाउँपालिकाको शिक्षा र विद्यालयहरुको अवस्था सोचेजस्तो नभएको बताएका छन् । कोरोना भाइरस (कोभिड १९) ले आफूहरुले चालु आर्थिक वर्षमा बनाएका योजना तथा रणनीतिहरु पूरा गर्न कठिनाइ भएको बताएका हुन् ।
‘कोरोना भाइरसको कारणले गाउँ फर्किएका युवाहरुलाई गाउँमा नै स्थापित गर्न कस्तो योजना छ ? भन्ने जिज्ञासामा तामाङ भन्छन्, ‘यस्तो अवस्थामा हामीले जोड दिने भनेको कृषिमा नै हो । हामीले हाम्रा गाउँपालिकाका युवाहरुलाई आफ्नै गाउँमा रोक्नका लागि बहुउद्देश्यीय योजना बनाएका छौं । सामुहिक खेती प्रणाली तथा कृषिमा आधुनिकीकरण एकमात्र विकल्प हो । त्यो विकल्पको खोजीमा हामी छौं । विदेशमा सिकेको सीपलाई आफ्नै माटोमा परिचालन गर्ने लक्ष्य रहेको छ ।’
खाँडादेवी गाउँपालिकाले आफूहरुको पालिकामा कोरोना भाइरसका संक्रमण बढेको अवस्थामा आफ्ना केही विद्यालयहरु क्वारेन्टिनका लागि तयार रहेको बताएको छ । तर आइसोलेशन कक्ष व्यवस्थापनमा आफूहरुलाई समस्या भएको कुराकानीका क्रममा तामाङले बताएका छन् । रामेछाप र मन्थलीमा भएका आइसोलेशनमा नै डाक्टरहरु रहिरहने र आफ्नो पालिकामा यदि आइसोलेट गर्नुपर्ने विरामी भएको खण्डमा जिल्लास्तरको आइसोलेशन कक्षमा पठाउन सक्ने उनले बताएका हुन् ।
कोरोना भाइरस कोभिड १९ अवसर र चुनौति दुबै रुपमा गाउँपालिकाले लिएको छ । श्रम बेच्ने अवस्थाबाट अब वस्तु बेच्ने प्रक्रियामा लाग्न अध्यक्ष प्रेम तामाङको आफ्ना गाउँपालिकाबासीलाई अनुरोध रहेको छ ।
बाँकी भिडियोमा…
