असार १३, जनता भ्वाइस संवाददाता, रामेछाप
धावा लामा, अध्यक्ष सुनापति गाउँपालिका, रामेछाप
हामीले चालु आर्थिक वर्षको लागि बनाएका योजनाहरुलाई यतिबेला सम्म आइपुग्दा करिब सकेका छौं । आगामी वर्षको लागि हामीले केही योजनाहरु पनि बनाएका छौं । अब त्यसलाई लागु गर्ने चरणमा प्रवेश गर्दैछौं । पालिकाका वडा कार्यालयहरु सम्म पुग्ने मोटरबाटोलाई स्तारोन्नति गरेका छौं । सुनापतिका कुनै घर छैन जहाँ बिजुली पुग्न नसकेको होस् । एउटा गाउँ एउटा नमुना स्कुलको अवधारणा अनुरुप प्रदेश र संघको सहयोगमा २ वटा नमुना स्कुल संचालन गरेका छौं । ३ वटा स्कुलमा प्राविधिक शिक्षा सुरु गरेका छौं । डहु माविमा इन्जिनियरिङ, सतलिङ्गेश्वर र कुशेश्वर माविमा बाली बिज्ञान गरी ३ वटा विद्यालयहरुमा सुरु गरेका छौं । यो वर्षमा ३८ वटा सिसिटिभी र अनलाईन हाजिरी लगायत वितरण गरेका छौं ।
स्वास्थ्यको विषयमा सुनापति गाउँपालिकामा १५ सय शैयाको अस्पताल निर्माणको लागि टेण्डर प्रक्रिया सुरु भएको छ । जसको लागि १० रोपनीको व्यवस्था भएको छ । हरेक वडामा वर्थिङ् सेन्टरको स्थापना गरेका छौं । स्वास्थ्यको पहुँचलाई सुनापतिमा हेर्ने हो भने कम्तीमा घर नजिकै नागरिकहरुलाई सिटामोल खुवाउन सकेका छौं ।
कोरोना भाइरसको रोकथाम र नियन्त्रणका लागि सरकारले गर्नुपर्ने कामहरु हामी स्थानीय सरकारले गर्नुपर्ने कामहरु गरेका छौं । बेथान स्वास्थ्य चौकीमा क्वारेन्टिन बनाइएको छ । सो क्वारेन्टिनमा अस्पतालमा हुनुपर्ने सबै पूर्वाधार तयार गरिएको छ । जहाँ अक्सिजनको समेत व्यवस्था गरिएको छ । ४ बेडको आइसोलेन वार्ड समेत बनाइएको छ । यहाँ भएको एक प्राइभेट अस्पतालमा २ वटा आइसोलेशन बनाइएको छ । गुन्सी स्वास्थ्य चौकीमा ४ बेडको आइसोलेशन बनाइएको छ । करिब २ सय १३ जनाको आरडिटी टेष्ट गरिसकिएको छ । पिसिआर टेष्टका लागि २ सय जनाको क्षमता बनाइएको छ ।
शहर तथा विदेशबाट फर्किएका युवाहरुलाई लक्षित गर्दै कृषि उत्पादनमा जोड दिएका छौं । यहाँ भएका खेतीयोग्य जमिनलाई बाँझो नराख्ने भनेका छौं । पशुपालनको क्षेत्रलाई पनि बढावा दिइएको छ । व्यक्तिगत व्यवसायलाई पनि अनुदान दिने व्यवस्था गरेका छौं । करिब ४ सय युवाहरुलाई स्वरोजगार बनाउने लक्ष्य लिइएको छ । समृद्ध सुनापति, कृषि पर्यटन हाम्रो सम्पत्ति भन्ने मूल नारा सार्थकतामा पुर्याइएको छ । डेढ करोडको किवी जोन स्थापना गरिएको छ । चिया खेतीलाई पनि विशेष प्रोमोट गरिने छ । चियाका १२ लाख विरुवाहरु आएको छ । पोहोर नै ४ लाख चियाका विरुवा रोपिएका छन् । अलैंचीको जोन २ नं. वडामा बनाइएको छ । बिउ नै बेच्ने हो भने पनि अलैंचीको २५ लाख जति आउला भन्ने विश्वास छ । स्याउ, सुन्तला, केरा आँप सबै फलफूल उत्पादन गर्न सकिन्छ, सुनापतिमा । हरेक टोलमा एउटा एउटा कृषिको सेक्सन खोल्ने सोच बनाएका छौं ।
बाँकी भिडियोमा…
