…तर यहाँ दलित छन्
जो सोचले गिरेका छन्
जो व्यवहारले गिरेका छन्
मानिसकताले दलित छन्
जात–जाति, धर्म–धर्म बीच
उचाल्ने पछार्ने
युद्धको लागि भड्काउने
जातिवादको नकारात्मक प्रवाह गराई
कमजोर आडको निर्माण गर्ने
जातिवादको आड् लिएका पुँजीवादीहरु
मानवीयतालाई फुटाएर
राजनीति गरी दास बनाएका भरौटेहरु
दासयुगमा काम विभाजनबाट छुटाएको विभेद
अहिले युद्ध बनेको छ रगत बगाउने
जातिवादलाई रोपेर हुर्काएर
दलित, जनजाति, मधेसी नाम दिएर
कोटा र आरक्षण निर्माण गरेर
जातीय विभेदलाई खोल ओढाएर
दिनहुुँ बन्दी बनाइएको छ
निस्कन खोज्छन् आवजहरु
विस्फोट बनेर
बजार्न मनलाग्छ मुट्ठीहरु
दमन र शोषणको भारी
टाउकोमा ठिङ्ग ठड्याइ दिएर
फाइदा लुटेका “पुँजी राक्षस”
छाती पोल्छ तातो रगतले
मस्तिष्कमा ज्वारभाटाका मुस्लाहरु
मडारिएको छ एकतमासले
खुनको बदला खुन कै नदी बगाउँ झैँ
पटक पटक अड्डा अदालत धाएर
छाती पिटी–पिटिकन रोएर
यहाँ न्याय मिल्दैन ।
यहाँ दलित छन् जो सोचले गिरेका छन्
