रामेछाप । नेपाल कम्युनिष्ट पार्टी एमाले रामेछापले जिल्लाका सवै वडा कमिटीको कार्तिक ६ गते र सवै पालिका कमिटीको कार्तिक ९ गते अधिवेशन गर्ने भएको छ । आइतबार मन्थलीमा बसेको जिल्ला कमिटी बैठकले पार्टीलाई माओवादी केन्द्रसँगको एकता घोषणा पूर्वको स्वरुपमा फर्काएर सबै सांगठानिक संरचनाहरुलाई क्रियाशील बनाउने निर्णय गरेको हो ।
बैंठकले २०७५ जेठ २ अघिको सांगठनिक संरचना अनुसार भदौ २९ गते लिखुतामाकोसी गाउँपालिका, खाँडादेवी गाउँपालिकामा र रामेछाप नगरपालिका, असोज ४ गते कमिटीको बैंठक राख्ने भएको छ भने असोज २ गते मन्थली नगरपालिका, असोज ३ गते दोरम्बा गाउँपालिका, असोज ४ गते सुनापति गाउँपालिका, असोज ५ गते उमाकुण्ड गाउँपालिका र असोज ६ गते गोकुलगंगा गाउँपालिका कमिटीको बैठक राख्ने भएको छ ।
बैठकले असोज ७ गते बिहान जिल्ला कमिटी बैंठक र दिउँसो जिल्ला भेला गर्ने निर्णय गरेको पत्रकार सम्मेलन मार्फत जानकारी गराइएको छ । रामेछापमा दुई नगरपालिका र ६ गाउँपालिकाका भित्र ६४ वटा वडाहरु छन् ।
एमाले रामेछापको अधिवेशन तालिका घोषणा
Leave a Reply
