जेष्ठ १४,
रामेछाप । रामेछाप जिल्लाका स्थानिय तहहरुले संचालन गरेका एम्बुलेन्स चालकको बिमा गराउने भएका छन् । मंगलबार जिल्ला प्रशासन कार्यालय रामेछापमा प्रमुख जिल्ला अधिकारी रुद्रा देवी शर्माको अध्यक्षतामा बसेको कोरोना रोकथाम तथा नियन्त्रण समितिको बैठकमा यस्तो निर्णय गरिएको हो ।
कोरोनाको उच्च जोखिम मोलेरै उनीहरु काममा खटिरहेका छन् । एम्बुलेन्स चालकहरुको सम्बान्धित पालिकाले कोरोना बिमा गर्ने निर्णय गरेको हो । जिल्लाका आठ वटा स्थानिय तहहरुमा एक-एक वाट र नेपाल रेडक्रस सोसाइटीको एम्बुलेन्स संचालनमा रहेका छन्। बैठकले क्वारेन्टिन्मा बस्नेहरु सम्पूर्ण ब्यक्तिहरुलाइ सम्बन्धित पालिकाहरुले नै ब्यवस्था मिलाउने पनि छलफल गरेको छ ।
सूचना हेर्नुहोस्
त्यस्तै हाल पालिकाहरुको केन्द्रमा संचालनमा हरेका खुद्रा खरिद बिक्री स्थलहरुलाइ समेत थप कडाइ गर्ने, बन्दाबन्दीलाइ पूर्ण पालना गराउन जिल्लाका सम्बन्धित निकायहरु स्थानिय तह, रामेछाप उद्योग वाणज्य संघ, टोल सुधार समिति, सामुदायिक सेवा केन्द्र, नेपाल रेडक्रस सोसइटी, सुरक्षा निकायलाइ थप सक्रिय बनाउने निर्णय पनि गरिएको छ । त्यस्तै कोरोना भाइरस संक्रमण तिवृ गतिमा फैलिएको अवस्थालाइ मध्यनजर गर्दै परीक्षणको दायरा बढाउनको लागि आरडिटी र पीसिआर किट अभाव भएको भन्दै प्रदेश स्तरीय संकट ब्यवस्थापन केन्द्र, सामाजिक विकास मन्त्रालयलाइ अनुरोध गर्ने र भारतबाट आएकाहरुलाइ अनिवार्य क्वारेन्टिन्मा राख्ने निर्णय गरेको प्रमुख जिल्ला अधिकारी रुद्रा देवी शर्माले हस्ताक्षर गरेको पत्रमा उल्लेख गरिएको छ । फाइल फोटो
