जनता भ्वाइस संवाददाता, रामेछाप
रामेछाप नगरपालिका वडा नं. १ का वडाध्यक्ष नरबहादुर थापाले आफूले वडास्तरका नागरिकहरुका लागि दिलोज्यानले काम गरेको बताएका छन् । नागरिकहरुसँग प्रत्यक्ष सरोकार राख्ने कामहरु आफूले गरेको र नागरिकहरुले पनि आफूलाई माया गरिरहेको बताएका हुन् ।
‘अहिले कोराना भाइरसको जोखिम उस्तै गम्भिर भएर मेरो वडामा पनि रहेको छ । भारत तथा तेस्रो मुलुकबाट आउने मेरा वडाका नागरिकहरलाई रामेछापमा नगरपालिकाले बनाएको १ सय बेडको क्वारेन्टिनमा राखेका छौँ । क्वारेन्टिनमा बसेका हरुलाई हामीले उहाँहरुको शन्ति सुरक्षा, खानपान तथा अन्य अत्यावश्यकी प्रबन्ध गरेका छौं । साथसाथै खासै गम्भिर प्रकृतिका लक्षण नदेखिएका व्यक्तिहरुलाई ७ बेडको क्वारेन्टिन बनाएर पनि राखेका छौं ।’ थापाले भने ।
‘हिजो निर्वाचनको समयमा आफ्ना मतदाताहरुलाई आश्वासन दिएको र आजसम्म पनि पूरा गर्न नसकेको काम केके छन् ?’ भन्ने जनता भ्वाइसको जिज्ञासामा थापा भन्छन्, ‘मैले स्वास्थ्य, शिक्षा, खानेपानी आदि विषयलाई त्यो बेला उठाएको हूँ । आज आउँदा स्वास्थ्य र शिक्षाको क्षेत्रमा मेरा वडाबासीहरुको गुनासो छैन भन्ने मलाई लाग्छ । तर खानेपानीको समस्या भने चरम रुपमा आज पनि रहेको छ । भनेजति काम यतिबेलै गर्न सकिन्छ भन्ने त होइन । अझै समय बाँकी छ । म काम गर्दैछु । मैले काम गर्दै गरेको र भावी दिनमा खानेपानीका समस्या पनि टर्ने मेरा वडाबासीले बुझेका छन् । मैले बुझाउन सकेको छु भन्ने लाग्छ ।’
आपूmलाई पार्टी र आप्mना मतदाताले विश्वास र आवश्यकता ठानेमा अझै आफू आफ्ना नगरिकहरुको सेवामा लागिरहने थापाले बताएका छन् । यदि वडाबासी नागरिकहरुको सेवामा कुनै कन्जुस्याँइ गरेको भएर उहाँहरुलाई सेवा गर्न नसकेको अवस्थामा भोलिका दिन आफूले अर्को योग्य पात्रलाई बाटो खुला गर्ने समेत थापाले बताएका छन् ।
