डा. जितेन्द्र कर्ण
जिल्ला स्वास्थ्य प्रमुख
जिल्ला स्वास्थ्य कार्यालय, रामेछाप
नेपालमा कोभिड १९ को प्रवेश हुँदा ताकाको अवस्था भन्दा त यतिबेला जिल्ला स्वास्थ्य कार्यालको अवस्था निकै मजबुत् भइसकेको छ । सुरुआतिका दिनहरुमा हामीलाई निकै समस्या थियो तर आज हामीलाई त्यस्तो केही समस्या छैन कोरोना भाइरससँग जुध्नको लागि । अवाश्यक पूर्वतयारीका सबै सामग्रीहरु हामीसँग पर्याप्त रहेका छन् ।
अहिले पनि हामी दैनिक जस्तो कोरोना भाइरसको रोकथाम र नियन्त्रणका विषयमा नै बैठकहरु बस्छौं । नयाँ नयाँ योजनाहरु बनाउने गर्दछौं । हामीसँग अर्थात् रामेछाप जिल्लासँग यतिबेला ३ सय ९१ वटा क्वारेन्टिनहरु रहेको छ भने आइसोलेशन वार्ड ७४ वटा रहेको छ । यतिबेला जिल्लाका सबै स्वास्थ्य चौकीहरुमा १–१ वटा फिवर गनहरु पुगेको छ ।
पिपिई सेट र औषधिको व्यवस्था हामीले प्रत्येक पालिकाहरुमा गरिसकेका छौं । अझ आवश्यक परेको खण्डमा हामीसँग केही मौज्दात समेत रहेको छ ।
औपचारिक मापदण्ड पुगेका १७ वटा आइसोलेशन वार्ड जिल्ला अस्पताल रामेछापमा रहेको छ । अन्य पालिकाहरमा मापदण्ड नपुगेको आइसोलेसन वार्डहरुका लागि हामीले उहाँहरुालाई भनिसकेका छौं । उहाँहरुले त्यसलाई सुधारेर बनाउँदै हुनुहुन्छ भन्ने जानकारी मैले पाएको छु ।
हामीले केहीदिन अघि आइसोलेशनमा ल्याएका संक्रमितहरुलाई सकेसम्मको सुविधा दिएका छौं । वाइफाइको सुविधा दिन सकेका छैनौं । किनभने रामेछाप डाँडाको वाइफाई व्यवस्था त्यति प्रभावकारी छैन । त्यो भन्दा बाहेक अन्य सुविधामा कमीगरेका छैनौं । खानपान तथा बसाई व्यवस्थापन राम्रो बनाइएको छ ।
बाँकी भिडियोमा…
