असार ०२,
रामेछाप । रामेछाप जिल्लामा हाल सम्म ८ सय ६८ जनाको आरडिटी विधिबाट कोरोना गरिएको छ । जसमा १ सय ७९ जना महिला र ६ सय ८८ जना पुरुष छन् ।
त्यस्तै ३ सय २५ जनाको स्वाब संकलन गरिएको छ । त्यस मध्येमा २ सय १९ जनाको रिपोर्ट नेगेटिभ आएको छ । भने ८७ जनाको रिपोर्ट आउन बाँकी रहेको स्वास्थ्य कार्यालय रामेछापले जारी गरेको सुचनामा उल्लेख गरिएको छ ।
१९ जनाको रिपोर्ट भने पोजेटिभ आएको छ । उनीहरु मध्ये एक जनाको स्वास्थ्यमा समस्या भएपछि पाटन अस्पतालमा रेफर गरि पाटन अस्पतालमा उपचार भैरहेको छ ।
हाल सम्म जिल्लामा ९२ जना क्वारेन्टिनमा बसेका छन् । त्यसमा ४ जना महिला र ८८ जना पुरुष छन् । कोरोनाको जोखिमलाइ मध्येनजर गरि हालसम्म जिल्लामा ४ सय २१ वेडको क्वारेन्टिन बनाइएको छ । त्यस्तै मंगलबारसम्ममा ४ सय ५७ जना क्वारेन्टिनमा बसी कोरोनाको लक्षण नभएकाले घर फर्किएका छन् ।
त्यस्तै ७५ वेडको आइसोलेसन कक्ष स्थापना गरिएको छ । आइसोलेसन कक्षमा बसी कुल १८ जना आजसम्ममा घर फर्केका छन् ।
त्यस्तै जिल्लाको गोकुल गंगा गाउपालिकाका एक जना कुवेतबाट गत जेठ ३१ गते आएका नागरिक होल्डिङ सेन्टर सेलेघाटमा बसेका छन् ।
त्यस्तै जिल्लामा विदेशबाट आउने नागरिकहरुको लागि विभिन्न होटलहरुमा १ सय ४३ वटा बेडको होटल क्वारेन्टिनको ब्यवस्था गरिएको जानकारी दिएको छ । file Photo
