स्वास्थ्य राज्य मन्त्री रावत मन्थलीमा : कोरोना भाइरस संक्रमण नियन्त्रणको लागि जिल्लामा आप्नाइएको कामको ब्रिफिङ जारी [फोटो फिचर]

असार ०२

रामेछाप । नेपाल सरकारका स्वास्थ्य राज्य मन्त्री नवराज रावत रामेछापको सदरमुकाम मन्थली आइपुगेका छन् । उनी मंगलबार (आज) जिल्लामा कोरोना भाइरस संक्रमण नियन्त्रण रोकथामका लागि गरिएका कामको अनुगमन तथा निर्देशनको कार्यक्रम जिल्ला आइपुगेका हुन् ।

अहिले जिल्ला प्रशासन कार्यालयमा कोरोना रोकथामका लागि जिल्लाले आप्नाएको सावधानी र आगामी योजनाका बारेमा प्रमुख जिल्ला अधिकारी रुद्रादेवी शर्माले स्वास्थ्य राज्य मन्त्री समक्षा जानकारी गराएकी छन् । उनले आजसम्म जिल्लामा समुदायस्तरमा कोरोना नफैलिएकाले खुसि मनाउनु पर्ने बताइन् ।

त्यस्तै अहिले जिल्ला समन्वय समितिका प्रमुख प्रेम बहादुर खड्काले आफ्नो धारणा राखिरहेका छन् ।

जारी ब्रिफिङ्मा रामेछापका सम्पूर्ण राजनीतिक दल, पत्रकार, सरकारी तथा गैरसरकारी कार्यालयका प्रमुख तथा प्रतिनिधिको ठुलो सहभागिता रहेको छ ।