असार ०२,
रामेछाप । रामेछापका एक जनामा कोरोना पुष्टि भएको छ । मंगलबारको अप्रान्ह् ४ : १५ बजेको नियमित मिडिया ब्रिफिङमा स्वास्थ्य मन्त्रालयका प्रवक्ता डा. जागेश्वर गौतमले धुलिखेल अस्पतालमा गरिएको परीक्षणमा रामेछापका एक जनामा कोरोना पुष्टि भएको जानकारी दिए ।
जिल्ला अस्पताल रामेछापबाट स्वाब संकलन गरि पठाइएको मध्येबाट एक जनामा कोरोना पुष्टि भएको मन्त्रालयले बतायो तर जिल्ला अस्पताल रामेछापलाइ भने साँझ ७ : ३० बजेसम्म पनि यो खबरको कुनै जानकारी छैन ।
जिल्लामा संक्रमित थपिएको कुनै जनाकारी नभएको जिल्ला अस्पताल रामेछापका प्रमुख जितेन्द्र कर्णले जनता भ्वाइसलाइ बताए । पुष्टि भएका ब्यक्ति कुन ठाँउका रहेछन् भनेर जनता भ्वाइसले संक्रमित ब्यक्तिको विवरण माग गर्दा कर्णले भने- आज संक्रमित थपिएको बारेमा हामीलाइ कुनै जानकारी छैन् । मलाइ पनि पटक – पटक फोन आयो तर संक्रमित पुष्टि भएको छैन । यसबारेमा हामीलाइ माथिबाट पनि कुनै जानकारी आएको छैन् । सायद पुरानै संक्रमित हुन सक्छन् दोहोरिएको हुन सक्छ ।
कर्णको भनाइ र स्वास्थ्य मन्त्रालयले दिएको जानकारीले नागरिकहरु अन्यौलमा त पर्नेनै भए यो संगै गम्भिर प्रश्न पनि खडा भएको छ ? या त ! मन्त्रालयले जानकारी झुटो दियो ? किन लुकाई रहेको छ स्वास्थ्य कार्यालय रामेछापले वास्तविक कुरा ?
यदी कोरोना पुष्टि भएका मानिस आम नागरिक भए पनि उनको पहिचान गरि उनको उपचार र तत्काल क्वारेन्टिनमा राख्ने ब्यवस्था गर्नु जरुरी हुन्छ । यसरी सुचना नै नभएको भन्दै कोरोना पुष्टि भएका ब्यक्तिलाइ खुलेआम छोडिदा कोरोनाको जोखिम उच्च हुने भएको छ । File photo
