असार १२,
काठमाडौं । नेपाली कांग्रेसका युवा नेता गगन कुमार थापाले धनुषाको क्वारेन्टिनमा मृत्यु भएका युवा मृत्यु नभै हत्या भएको बताएका छन् । बिहिबार साँझ सामाजिक संजालमा लेख्दै थापाले सो कुरा बताएका हुन ।
गत सोमबार साँझ धनुषाको आइसोलेसन अस्पतालभित्रै १६ वर्षीय राजु सदाको मृत्यु भएको थियो ।
उनी भारतबाट एक साता हिँडेर गएको जेठ २३ मा त्याहाँ आइपुगेर कोरोना संक्रमण फैलिएको क्षेत्रबाट आएका कारण क्वारेन्टिनमा बसेका थिए । तर लामो समयसम्म कोरोना परीक्षणका लागि स्वाबसमेत संकलन गरिएन । खाना, सरसफाइ राम्रो नभएका कारण क्वारेटिनमा बसेको १७ औं दिनमा उनलाई पखाला चल्न सुरु भयो । तर उनले राम्रो उपचार पाएनन् । अन्तत उनको मृत्यु भएको थियो ।
थापाले सामान्य उपचार नपाएर सदाको मृत्यु भएको भन्दै सरकारको ध्यानाकर्षण गराएका छन् । उनले नागरिकहरु कोरोना भाइरस संक्रमणले र झाडापखलाले समेत मर्न लागिसकेको अवस्थामा सरकारभने कोरोनाको रोकथाम राम्रो भएको गुनगान गाउँदै नागरिकहरुमा भ्रम सिर्जना गर्न ब्यस्तहरेको बताएका छन् । उनले सरकारी ब्यवस्थाका कारण कोरोना व्यवस्थापनको जिम्मा लिनेहरुको नियत र हैसियतमा नै प्रश्न उठेको पनि उल्लेख गरेका छन् ।
