वडामा बेरोजगार हटाउने अभियान : रुचिअनुसारको औजार वितरण [फोटोसहित]

असार १२

रामेछाप । रामेछापको मन्थली नगरपालिका वडा नं. ९ ले बन्दाबन्दीले समस्यामा परेका र केही पेशा गर्न इच्छुकहरुलाई उनीहरुको रुचिअनुसारको सामाग्री निशुल्क दिन थालेको छ । कोरोना भाइरस संक्रमणले रोजगारी गुमाएका, रोजगारीको लागि अन्यन्त्र गएर गाउँ फर्केकाहरुलाइ वडाले उनीहरुको माग संकलन गरी पुर्खौली पेशा अंगालन चाहनेहरुलाइ शुक्रबार आधुनिक मेसिन हस्तान्तरण गरेको मन्थली नगरपालिका वडा नं ९ का वडा अध्यक्ष बुद्धिपुलामी मगरले जनता भ्वाइसलाइ जानकारी दिए ।

उनका अनुसार शुक्रबार मन्थली नगरपालिकाका नगरप्रमुख रमेशकुमार बस्नेतको हातबाट १५ जना बिक समुदायका मानिसहरुलाइ उनीहरुको पूर्खौली पेशा आरन ब्यवसाय गर्नलाइ आगो फुक्ने मेसिन एक एक वटा प्रदान गरिएको हो । साथै उनले भने पेशा गर्छु भन्नेर आउने वडाका जोकोहिलाई उनीहरुको सिपकोआधारमा हामीले औजारहरु प्रदान गर्नेछौं । बन्दाबन्दीले रोजगारी गुमाएका बेला गाउँमै उद्दम गर्न चाहने र उद्योगी बन्नलाइ हामी सक्दो सहयोग गर्नेछौं अध्यक्ष मगरले भने ।

वडाले बाहिरबाट रोजगारी गुमाएर आएकाहरुलाइ पनि कसैलाइ बेरोजगार राख्न नपरोस् भन्ने लक्षय लिएको उनको भनाइ छ ।

नगरप्रमुखले वडाले वडाका नागरिकहरुलाइ रोजगारी दिने योजना ल्याएर राम्रो काम गरेको बताए ।