साउन ०२
काठमाडौं । भोलि (शनिबार) नेपाल कम्युनिष्ट पार्टी (नेकपाको सचिवालय बैठक बस्ने भएको छ । गत असार १० गतेदेखि जारी बैठक प्रधानमन्त्री केपी शर्मा ओलीको पार्टीभित्रकै शीर्ष नेताहरुले राजीनामा माग गरेपछि पटक पटक स्थायी कमिटी बैठक स्थगीत भैरहेका बेला भोली सचिवालय बैठक बोलाइएको हो ।
आजका लागि डाकिएको स्थायी कमिटीको बैठक पर्सी आइतबार सम्मका लागि स्थगित भएको छ । स्थायी कमिटी बैठक साउन ४ सम्मलाई स्थगित भएपछि पार्टी नेतृत्वले सचिवालय बैठक डाकेको पार्टीका कार्यकारी अध्यक्ष पुष्पकमल दाहाल प्रचण्डका प्रेस संयोजक विष्णु सापकोटाले जानकारी दिए ।
दुई अध्यक्ष केपी शर्मा ओली र दाहाल तथा वरिष्ठ नेता माधवकुमार नेपालबीचको शक्ति संघर्ष थामिने अवस्था नभएपछि सचिवालय बैठक डाकिएको हो। सचिवालय बैठकमा पनि सहमतिको प्रयास गरिने बताइएको छ। file Photo
