साउन ०४
रामेछाप । वितेको २४ घण्टामा थप १ सय ५६ जनामा कोरोना पुष्टि भएको छ । योसंगै नेपालमा कोरोना संक्रमितको कुल संख्या १७ हजार ६ सय ५८ जना पुगेको छ । त्यस्तै संक्रमित मध्ये ६६.२४ प्रतिशत कोरोनाका बिरामीहरु भने निको भएका छन् । नेपालमा कोरोना भाइरस संक्रमण निको भएर घर फर्किनेको संख्या ११ हजार ६ सय ९५ पुगेको छ । स्वास्थ्य मन्त्रालयका प्रवक्ता डा जागेश्वर गौतमले आइतबारसम्म संक्रमणमुक्त हुनेको संख्या ११ हजार ६ सय ९५ अर्थात ६६.२४ प्रतिशत पुगेको जानकारी दिए । उनका अनुसार आज ५८ जना कोरोनाभाइरस संक्रमणमुक्त भएका छन् ।
त्यस्तै आज काठमाडौंमा थप तीन जना संक्रमित थपिएका छन् । ४० जनाको कोरोनाका कारण मृत्यु भएको छ । त्यस्तै ५ सय भन्दा बढी संक्रमित भएको जिल्ला तीन जिल्ला पुगेको छ । भने शून्य संक्रमित हुने जिल्ला आठ पुगेको छ ।
