सिन्धुलीमा डेढ महिनामा सात बलात्कारका घटना बाहिरिए

सम्झना श्रेष्ठ calendar_today १६ भाद्र २०७७, 11:17 am

भाद्र १६, सिन्धुलीमाढि ।

सिन्धुलीमा पछिल्लो समय बलात्कारका घटना बाहिरीने क्रम बढेको छ । जिल्लामा पछिल्ला डेढ महिनाको अवधिमा मात्रै ७ वटा बलात्कारका घटना सार्वजनिक भएका छन् । चालु आर्थिक वर्षको पहिलो महिना श्रावणमा चार बलात्कारका घटना भएको जिल्ला प्रहरी कार्यालय सिन्धुलीले जनाएको छ । जसमा गोलन्जोर गाउँपालिकामा २, तिनपाटन गाउँपालिका र दुधौली नगरपालिकामा १÷१ वटा बलात्कारका घटना बाहिरिएको सिन्धुलीका प्रहरी नायव उपरिक्षक श्याम बहादुर खत्रीले बताउनुभयो ।

यस्तै भदौ महिनाको १४ गतेसम्म आइपुग्दा अन्य तीन जनामा बलात्कार भएको पाइएको छ । प्रहरीको तथ्यांक अनुसार दुधौली नगरपालिका, सुनकोसी गाउँपालिका र हरिहरपुरगढि गाउँपालिकामा १÷१ वटा बलात्कार सम्वन्धि घटना बाहिरिएको सिन्धुलीका महिला सेल प्रमुख प्रहरी निरिक्षक निरु दुवालले बताउनुभयो । सिन्धुलीमा गत वर्ष २१ वटा बलात्कारका घटना बाहिरिएका छन् । आर्थिक वर्ष २०७६÷०७७ मा २१ वटा जवरजस्ति करणीका घटना प्रहरी समक्ष आइपुगेको पाइएको छ । स्थानिय तह अन्तर्गत् हेर्दा दुधौली नगरपालिकामा ६ वटा बलात्कार भएको पाइएको छ ।

यस्तै कमलामाई नगरपालिकामा ५ वटा, गोलन्जोर गाउँपालिकामा २, मरिण र हरिहरपुरगढि गाउँपालिकामा ३÷३ तथा तिनपाटन र घ्याङ्लेख गाउँपालिकामा १÷१ वटा बलात्कार भएको सिन्धुली प्रहरीको तथ्यांकले देखाएको छ । यस प्रकारको घटना उमेरको आधारमा हेर्ने हो भने, १८ वर्ष भन्दा कम उमेरका १२ जना माथि बलात्कार भएको पाइएको छ ।

यसैगरि १९–३० वर्ष उमेर समुहका ५ जना, ३१–४५ वर्ष उमेर समुहका ३ जना र ६० वर्ष माथिका एकजनामा बलात्कार भएको प्रहरीको तथ्यांकले देखाएको छ । यस्तै जातजातीको आधारमा हेर्दा जनजाती १२ जना, दलित ३ जना, क्षेत्री ६ जना माथि बलात्कार भएको पाइएको छ । यसैगरि जिल्लामा आर्थिक वर्ष २०७५÷७६ मा २२ वटा बलात्कारका घटना भएको प्रहरीले जनाएको छ ।

यसैगरि अािर्थक वर्ष २०७४÷७५ मा १० वटा बलात्कारको घटना प्रहरी समक्ष आइपुगेको छ । खासगरि बलात्कार सम्वन्धि घटनाहरु नबाहिरिने गरेको पनि पाइएको छ । प्रहरी समक्ष आइपुगेका कतिपय मुद्धाहरु गत पाँच÷छ महिना अघि नै घटेका घटना बल्ल बाहिरिएको पाइएको छ । यसरी बलात्कारका घटनाहरु समयमै बाहिर नआउनुमा पिडकको धम्की, समाजको डर, राजनितिक प्रभाव देखिने गरेको प्रहरि नायव उपरिक्षक खत्रीको भनाई छ । आफ्ना किशोरी छोरीको हेरचाह तथा रेखदेखमा परिवार तथा आफन्तले विषेश ध्यान दिनुपर्ने उहाँको भनाई छ । कतिपय अवस्थामा समाजमै अपराधहरु लुकाउने गरेको प्रहरी नायव उपरिक्षक खत्रीले बताउनुभयो ।

तपाईको प्रतिकृया दिनुहोस्

सम्झना श्रेष्ठ

लेखकबाट थप समाचार add

समाचारबाट थप

न्यायका लागि सर्वोच्च पुगेकी विनु गेटबाटै प्रहरीको नियन्त्रणमा

नवनिर्वाचित सांसदलाई प्रमाणपत्र वितरण

रामेछापको समग्र विकासमा एक ढिक्का भएर लाग्ने निर्वाचित प्रतिनिधीको प्रतिबद्धता

दोलखाका १० मतदान केन्द्रमा मंसिर १५ गते पुनः निर्वाचन

प्रधानमन्त्री देउवासँग प्रचण्ड र माधव नेपालको छुट्टाछुट्टै भेटवार्ता