नेपाल आदिवासी जनजाती पत्रकार महासंघ (फोनिज) बागमती प्रदेश अध्यक्षमा युवराज श्रेष्ठ सर्वसम्मत चयन भएका छन् ।नेपाल पत्रकार महासंघ रामेछाप शाखाका कोषाध्यक्ष समेत रहेका श्रेष्ठ, रेडियो झंकारका ९७.५ मेगाहर्जका स्टेशन म्यानेजर समेत हुन् । न्यूज २४ टेलिभिजन रामेछापका प्रतिनिधि रहेका श्रेष्ठ रेडियो पत्रकारिताका प्रशिक्षक पनि हुन् । पौष २१ र २२ गते हेटौडामा भएको दोस्रो प्रादेशिक महाधिवेशनले श्रेष्ठलाई बागमती प्रदेश अध्यक्षमा निर्वाचित गरेको हो ।
प्रदेश समितिका अन्य पदाधिकारीहरुमा उपाध्यक्ष– राजेश रुम्बा, महिला उपाध्यक्ष– डोल्मा शेर्पा, महासचिव– श्याम राना, संगठन सचिव– शिशिर दोङ, संस्थागत सचिव– राजु नापित र कोषाध्यक्षमा शंकर श्रेष्ठ रहेका छन् ।
त्यसैगरी सदस्यहरुमा खुल्लातर्फ मिना श्रेष्ठ, कमला तामाङ, पासाङ शेर्पा, पूर्णबहादुर मगर, उद्दवकुमार श्रेष्ठ, अर्विन्द्रमान सिंह, सरोज लामा र पासाङ घिसिङ निर्वाचित भएका छन् । संस्थागत सदस्यहरुमा रबिन्द्र सिंजाली मगर, दिक्कीडोल्मा शेर्पा, फूर्वा तामाङ, संजय चौधरी र हिरालाल गुरुङ रहेका छन् भने संघीय प्रतिनिधिमा सम्झना श्रेष्ठ, पूर्णभक्त दुवाल, र पेमा लामा निर्वाचित भएका छन् ।
