रामेछाप । नेकपा एमालेको जिल्ला अधिवेशनमा पत्रकार द्वय सौजन्यप्रसाद सत्याल र युनिक विफा घिसिङ चुनाबी मैदानमा उत्रिएका थिए । प्रेस चौतारी नेपाल रामेछापका अध्यक्ष युनिक विफा घिसिङ नेकपा एमाले रामेछापको जिल्ला कमिटी सदस्यमा अत्याधिक मतका साथ निर्वाचित भएका छन् तर पत्रकार (रेडियो रामेछापका स्टेशन म्यानेजर) सौजन्यप्रसाद सत्यालले हार व्यहोर्नु परेको छ ।
समावेशी जनजाति तर्फबाट जिल्ला कमिटीको सदस्यमा आठौं जिल्ला अधिवेशनको निर्वाचनमा ३६९ मत प्राप्त गर्दै अध्यक्ष घिसिङ निर्वाचित भएका हुन् । सत्यालले खुल्ला तर्फबाट जिल्ला कमिटीको सदस्यमा १२६ मत मात्रै प्राप्त गरे।
घिसिङ सहित समावेशी जनजाति तर्फबाट मोतीलाल तामाङ, पदम कुमार लामा र सोमबहादुर तामाङ पनि जिल्ला कमिटी सदस्यमा निर्वाचित भएका छन् ।
