लब बने कांग्रेस रामेछापको कोषाध्यक्ष, बन्यो ११ उप समिति


रामेछाप । नेपाली काँग्रेस रामेछापले कोषाध्यक्षमा लब बहादुर थापामगर चयन गरेको छ। साथै कांग्रेस रामेछापले बिभिन्न उपसमिती बिस्तार गरेको छ । रामेछाप नगरपालिका–३ साँघुटारमा बसेको नेपाली कांग्रेसको सोमबार बसेको चौथो बैठकले कोषाध्यक्ष लगाएत बिभिन्न उपसमिति बिस्तार गरेको हो ।
सभापति पूर्ण बहादुर तामाङ (कान्छाराम) बैठकमा निर्वाचित जिल्ला कार्य समिति सदस्य मध्येबाट लब बहादुर थापामगरको नाम कोषाध्यक्षमा प्रस्ताव गरेपछि जिल्ला कार्यसमितिले अनुमोदन गर्दै सर्वसम्मतिले कोषाध्यक्ष चयन गरेको जिल्ला सचिव दीपक खड्काले जानकारी दिए । थापामगर नेपाली काँग्रेसको १४ औँ जिल्ला अधिवेशनमा भूगोल अन्तरगत दोरम्बा गाउँपालिकाबाट खुल्ला जिल्ला कार्य समिति सदस्यमा निर्वाचित भएका थिए ।
त्यस्तै काँग्रेस जिल्ला कार्यसमिति बैठकले विभिन्न क्षेत्र हेर्ने गरी उपसमिती समेत गठन गरेको छ । बैठकले उपसमितिको संयोजक चयन गर्दै केही सदस्य समेत तोकिएको पार्टी सचिव दीपक खड्काले जानकारी दिए । खड्काका अनुसार जिल्ला प्रशिक्षाण शाखाको संयोजकमा जिल्ला पार्टी उपसभापति नवराज थोकर चयन भएका छन् । त्यस्तै लेखा समितिको संयोजकमा ढाकाल बहादुर थापा, अनुशासन समितिको संयोजकमा कमल प्रकाश सुनुवार,संगठन शाखाको संयोजकमा सिताराम कार्की, विकास शाखाको संयोजकमा गुञ्जबहादुर कार्की, प्रचार प्रसार शाखाको संयोजकमा हिमाल ढुंगेल, अभिलेख शाखाको संयोजकमा सुमन्त कुमार कार्की, जिल्ला सम्पर्क समितिको संयोजकमा घनश्याम श्रेष्ठ, कार्यक्रम तथा सम्मन्वय शाखाको संयोजकमा कमन खड्का (दिपेन्द्र), युवा तथा खेलकुद शाखाको संयोजकमा जित बहादुर कटुवाल र बालबालिका तथा जेष्ठ नागरिक शाखाको संयोजकमा चिना कार्की चयन भएका छन् ।
त्यस्तै सभापतिले तीन जनालाई आंमन्त्रित जिल्ला कार्यसमितिको सदस्यमा मनोनित गरेका छन् । सभापति तामाङले नवराज ढकाल, तोप बहादुर थापा र मन्जुदेवी पुर्वेलाई आंमन्त्रित जिल्ला कार्यसमिति सदस्यमा मनोनित गरेका हुन् ।

तपाईको प्रतिकृया दिनुहोस्