काठमाडौँ – प्रदेशको गठबन्धनभित्र रहेका नेपाली काँग्रेस, नेकपा माओवादी केन्द्र र नेकपा एकीकृत समाजवादी पार्टीबीच मन्त्रालयको भागबण्डामा कुरा नमिलेपछि कर्णाली प्रदेशमा सरकारलाई पूर्णता दिने विषयमा तीन दलीय गठबन्धन असफल भएको छ । अब केन्द्रीय नेतृत्वलाई नै यो विवाद मिलाउने जिम्मा दिइएको छ ।
अब प्रदेशभित्रको गठबन्धनमा देखिएको समस्या समाधान गर्न केन्द्रीय नेताहरु शेरबहादुर देउवा, माधव कुमार नेपाल र पुष्पकमल दाहाल ‘प्रचण्ड’लाई प्रदेशका सम्बन्धित दलका नेताहरुले ‘पहल’ गरिरहेको स्रोतले बताएको छ । अबको दुुई चार दिनभित्रै प्रदेशको मन्त्रिपरिषद विस्तारको विषयलाई टुङ्ग्याउने नेताहरुले बचन दिएको मुख्यमन्त्री जीवनबहादुर शाहीले जानकारी दिए ।
