रामेछाप, २५ माघ। रामेछाप नगरपालिकाका प्रमुख नर ब थापा मगरले भ्यूटावर उद्धघाटन गरेका छन् । जिल्लाको रामेछाप नगरपालिका वडा नं ६ र ७ को संगमस्थल भालुखोप डाँडामा निर्माण भएको रामेछाप भ्युटावरबाट आज देखि रमणिय दृश्य हेर्न पाईने भएको छ । रुद्रि पुजा लगाएर भ्युटावरको उद्धघाटन गरिएको हो ।
रामेछाप नगरपालिकाको पर्यटकिय स्थलको रुपमा रहेको भालुखोप डाँडामा भ्युटावर बनेँसँगै आन्तरीक तथा बाह्य पर्यटकहरुको भिड लाग्ने नगरपालिकाको दावी छ । रामेछाप नगरपालिकाको गौरवको आयोजनाको रुपमा रहेको भ्युटावर निर्माण सम्पन्न भएलगतै आन्तरीक पर्यटकहरु भ्युटावर घुम्न आउन थालेका छन ।
भालुखोप भ्युटावरबाट पोकली झरना,जानकी मन्दिर,तारकेश्वर महादेव मन्दिर,गणेशटार मन्दिर सहित रामेछाप,सिन्धुली तथा ओखलढंगाका विभिन्न भूभागहरुको दृश्यअवलोकन गर्न सकिने वडा नं ७ का वडाअध्यक्ष समिर कार्की बताउँछन् । रामेछाप नगरपालिकाको १ करोड ४१ लाख लागतमा सुनकोशी कन्स्ट्रकसन नेपाल प्रालिले उक्त भ्युटावर निर्माण गरेको हो ।
