०३ फागुन, २०७८ ।
वर्तमान परमादेशी गठबन्धन सरकारको पछिल्ला गतिविधीले स्थानिय तहको निर्वाचन पर धकेल्ने षड्यन्त्रको आभास हुन लागेकोले स्थानिय तहको निर्वाचन तोकिएको समयमै सम्पन्न गर्ने वातावरण बनाउन नेकपा एमाले रामेछापले माग गरेको छ । प्रेस विग्यप्ती जारी गर्दै एमाले रामेछापले यस्तो माग गरेको हो । वर्तमान गठबन्धन सरकारले आफ्नो निहित स्वार्थसँग जोडेर स्वतन्त्र न्याय पालिका माथि गरिएको ठाडो हस्तक्षेप, प्रधानन्यायधिस माथिको महाभियोग लगाएत महंगी भष्ट्रचार, बढ्दो सामाजिक विभेद, राज्यद्धारा सृर्जित विभिन्न घटनाहरुको निन्दा र भर्त्सना गर्दछ- विज्ञप्तीमा छ।
नेकपा (एमाले) रामेछाप जिल्ला कमिटीको दोस्रो पूर्ण बैठक एवम् प्रशिक्षण फागुन १ र २ गते मन्थलीमा सम्पन्न भएको बैठकले म जिताउछु मेरो वडा हामी जिताउछौ हाम्रो पालिका, वैशाख ३० मा सुर्यमा मतदान नेकपा (एमाले) को आव्हान र अभियान भन्ने उद्घोषका साथ २०७९ बैशाख ३० गते सम्पन्न हुन गईरहेको स्थानीय तह निर्वाचन केन्द्रीत २ महिने विशेष अभियानको कार्ययोजना घोषणा गरेको विज्ञप्तीमा लेखीएको छ ।
अभियान अन्तर्गत फागुन ११ गते लिखु तामाकोशी गाउपालिका, फागुन १२ गते मन्थली नगरपालिका, फागुन १३ गते दोरम्बा शैलुङ र खाँडादेवी गाउपालिका, फागुन १४ गते सुनापति, उमाकुण्ड गाउपालिका र रामेछाप नगरपालिका, फागुन १५ गते गोकुलगंगा गाउपालिकाका केन्द्रहरुमा नगर गाँउ पालिका विस्तारित बैठक तथा अभिमुखीकरण आयोजना गर्ने भएको छ ।
पालिका स्तरिय कार्यक्रममा सम्बन्धित भुगोलका प्रदेश कमिटी सदस्य, जि.क.स, केन्द्र जिल्ला र पालिकाका ज.व.स सदस्यहरु, वडा कमिटी पदाधिकारी, सल्लाहकार र जिल्ला प्रतिनिधि परिषद् सदस्यहरु सहभागी हुने प्रेस बिज्ञप्ती मार्फत एमाले रामेछापले जनाएको छ ।
वडा तथा टोलहरुमा अन्तक्रिया एवम् सुझाव संकलन, सभा र जिल्लामा बृहत आमसभा गरिने समेत एमाले रामेछापले जनाएको छ । फागुन मसान्तभित्र सबै जनवर्गिय संगठनहरुका बैठक तथा ।ला र प्रशिक्षण गर्न निर्णय गरेको एमालेले रामेछापको प्रेस विज्ञप्तीमा छ । बैठकले जिल्ला कमिटीका कमरेडहरुको कार्य विभाजन समेत गरको छ ।बैठकले पार्टी स्कुल विभाग/ जनसंगठन समन्वय विभाग प्रमुख आनन्द कुमार श्रेष्ठ, ईन्द्र ब. तामाङ्ग – स्थानीय विकास विभाग प्रमुख, पुरुषोत्तम कडरिया – संगठन विभाग प्रमुख, प्रकाश कुमार कार्की – प्रचार तथा प्रकाशन विभाग प्रमुख , होतराज ढकाल – निर्वाचन विभाग प्रमुख , राम प्रसाद देवकोटा – वित्त तथा कोष व्यवस्थापन विभाग प्रमुखमा तोकेकोछ ।
प्रेस विज्ञप्ती अनुसार जिल्ला कमिटीका सबै सदस्यहरुलाई जनसंगठनको समन्वय गर्ने, पालिका संयोजन गर्ने, र ६४ वटै वडामा ईन्चार्ज, सह- ईन्चार्जको जिम्मेवारी समेत तोकीएको छ। बैठकले.प्रेम ब. खड्का अध्यक्ष रहने गरि जिल्ला सल्लाहाकार कमिटी गठन गरेको छ र जेष्ठ कम्यूनिष्ट मंच समेत गठन गर्ने निर्णय गरेको विज्ञप्तीमा छ ।
