रामेछाप । स्वास्थ्य शिविर भएको भनि झुक्याएर एमालेको कार्यक्रममा लगी जवरजस्ती पार्टी प्रवेश गराएको भन्दै नेपाली काँग्रेसकी राधा मगरले आपत्ति जनाएकी छिन् ।
उनले भनिन् – मलाई स्वास्थ्य शिविर छ, भनेर एमालेको कार्यक्रममा नियोजित रुपमा बोलाईयो र जवरजस्ती पार्टी प्रवेश भयो भनेर नाम बोलाउने काम भयो । सो कार्यको म घोर भत्र्सना गर्दछु । म नेपाली काँग्रेसको क्षेत्रीय प्रतिनिधि हुँ र म कहि कतै विचलित भएको छैन । म कांग्रेस पार्टीमा नै छु ।
बुधबार नागदहमा आयोजित कार्यक्रममा एमालेले मगर लगाएतका कार्यकर्तालाई एमाले प्रवेश गरेको भनेर प्रचार गरेको थियो ।
यसैविच नेपाली काँग्रेस लिखु तामाकोशी गाउँपालिका ५ नम्बर वडा समितिका अध्यक्ष रोमवहादुर तामाङले विहिबार विज्ञप्ति जारी गरी नेकपा एमालेले झुक्याएर आत्मा सम्मानमा चोट पु¥याएको भन्दै मगर आफ्नै पार्टीमा क्रियाशिल रहेको जनाएका छन् ।
