सत्तागठबन्धनको बैठका आज प्रधानमन्त्री निवास बालुवाटारमा बस्ने भएको छ। बैठकमा स्थानीय तह निर्वाचन तयारीको बारेमा छलफल हुने र प्रधानमन्त्री शेरबहादुर देउवाको भारत भ्रमण र समसामयिक राजनीतिक घटनाक्रमबारे कुराकानी गर्न गठबन्धन बैठक बस्ने तय भएको बालुवाटार स्रोतले बताएको छ। प्रधानमन्त्री देउवा शुक्रबार भारत भ्रमणमा जाँदैछन्।
प्रधानमन्त्री देउवाको सचिवालय स्रोतका अनुसार ‘आज बिहान ११ बजेका लागि गठबन्धन बैठक बोलाइएको छ।’ ।
स्थानीय आवश्यकताका आधारमा सत्तारूढ गठबन्धनका दलहरूसँग तालमेल गर्ने निर्णय नेपाली कांग्रेसले थियो। त्यसपछि पहिलोपटक आज गठबन्धन बैठक बस्न लागेको छ।
नेकपा माओवादी केन्द्रका अध्यक्ष पुष्पकमल दाहाल र नेकपा एकीकृत समाजवादीका अध्यक्ष माधवकुमार नेपालले गठबन्धनलाई चुनावसम्म लम्ब्याउने बताउँदै आएको छ । आजको बैठकमा महानगरहरूमा टिकट कहाँ कसले लिने भन्नेमा प्रारम्भिक छलफल गर्ने तयारी पनि रहेको स्रोतले बताएको छ।
यता नेकपा माओवादीका अध्यक्ष प्रचण्डले बुधबार चितवन पुगेर भरतपुरको मेयरमा माओवादीको दाबी रहेको बताइसकेका छन् तर भरतपुरमा यसपालि कांग्रेसले नछाड्ने बताउँदै आएको छ।
