करार कर्मचारीको म्याद थप नगर्ने लिखु तामाकोसी गाउँपालिकाको निर्णय


रामेछाप । लिखु तामाकोसी गाउँपालिकाले असार मसान्तबाट करार कर्मचारीको म्याद थप नगर्ने भएको छ।

गत बिहीबार बसेको गाउँकार्यपालिकाको बैठकले गाउँपालिका अन्तर्गतका करार सेवामा कार्यरत कर्मचारीको म्याद थप नगर्ने र हाजिर नगराउन निर्देशन दिने निर्णय गरेको हो।

पालिकाले संघ र प्रदेशबाट नाम निकालेर आएका करारका कर्मचारीलाई समेत निकाल्ने तयारी गरेको छ। बिना कारण करार कर्मचारी हटाउने निर्णय गरेको भन्दै उनीहरु असन्तुष्ट बनेका छन्।

बैठकले लिखु तामाकोशी गाउँपालिकाले आर्थिक वर्ष २०७७/७८ मा विज्ञापन आव्हान भएका पदहरुको पदपूर्ति प्रक्रिया हालसम्म नभएको भन्दै विज्ञापन रद्ध गर्ने निर्णय गरेको छ।

यसैगरी बैठकले गाउँपालिका अन्तर्गतका रिक्त रहेका प्राविधिक, पदहरुको विज्ञापन आव्हान गरी पदपूर्ति प्रकिया अगाडि बढाउने निर्णय समेत गरेको छ। इन्जिनियर सिभिल, कृषि विकास अधिकृत, पशु विकास अधिकृत तह, प्राविधिक सहायक, सब(ईन्जिनियर, रोजगार संयोजक, प्रशासन सहायक हलुका सवारी चालकलगायतका पदमा २३ जना र स्वास्थ्य सेवा अन्तर्गतका सम्पूर्ण रिक्त दरबन्दी पदपूर्ति गर्ने प्रक्रिया अगाडि बढाउने भएको छ।

अफ्ठ्यारो समयामा समाल्हे साहले पालिका
अघिल्लो जनप्रतिनिधिले पालिका लथालिङ्ग पार्दा आट गरेर पालिका सम्हालेको निमित्त कार्यकारी अधिकृत नवीन साह बताउछन् । प्रमुख प्रशासकीय अधिकृत नहुँदा पाँचौं तहका साहलाई निमित्तको जिम्मेवारी दिइएको थियो। ‘सुचनापाना’ सग केही समय अगाडि कुरा गर्दा निमित्त कार्यकारी अधिकृत साहले भनेका थिए, ‘पालिकामा दक्ष कामदार भएनन।’ त्यसको केही दिन पछि नै पालिकाले गरेको करार कर्मचारी हाजिर नगराउने निर्णयले अब पालिकाको प्रशासन तथा कर्मचारी व्यवस्थापन अब्बल हुने देखिन्छ। शाह भन्छन्, ‘मैले निमित्त प्रशासकीय प्रमुख भएर पालिका सम्हालिरहको अवस्थामा यदि मन्त्रालयले प्रमुख प्रशासकीय अधिकृत पठाइदिने हो भने लिखु तामाकोशी गाउँपालिकामा हुने प्रशासनिक र विकासका कामहरुमा अझ सहजता हुने थियो ।’ लिखु तामाकोसी गाउँपालिकामा भएको कर्मचारी अभावलाई मन्त्रालयले सम्बोधन गरेर कर्मचारी व्यवस्थापनमा सहयोग गरिदिन शाहले अनुरोध पनि गरेका छन् ।

भिडियो सहित:

तपाईको प्रतिकृया दिनुहोस्