रामेछाप । जिल्लाको सुनापती गाउँपालिकामा रहेको एक सामुदायिक विद्यालयका २ बिद्यार्थीले एसईई परिक्षाको नतिजामा ४ जिपिए ल्याएका छन् । सुनापति गाउँपालिकाको वेथान डहु स्थित मावि डहुका विद्यार्थीले सामुदायिक विद्यालयका विद्यार्थीहरू पनि पढाईमा कम हुँदैनन भन्ने प्रमाणित गरेका छन् ।
विद्यालयका प्रधानाध्यापक दलबहादुर बल तामाङका अनुसार सो विद्यालयका छात्र प्रतिक थिङ र राजन लामाले ४ जीपए प्राप्त गरेका हुन् । यसैगरी सोही विद्यालयका अर्का छात्रा उद्गम बलले ३.९६ जीपीए प्राप्त गरे ।
१२ जनाले ३.६ देखि ४ जीपीए प्राप्त गरी ए प्लस प्राप्त गरेका छन् । त्यस्तै १२ जनाले ३.२ देखि ३.५ जीपीए प्राप्त गरी ए डिभिजन प्राप्त गरेका छन् । तीन जना विद्यार्थीले भने २.८ देखि ३.२ जीपीए प्राप्त गरी बी प्लस ल्याएका छन् । विद्यालयबाट एसईई परीक्षामा २७ जना विद्यार्थी सहभागी भएका थिए ।
गुणस्तरिय शिक्षाको लागि सहरका निजि विद्यालयहरू रोज्ने अभिभावकहरूलाई डहु माविका यो नतिजाले सोच्न बाध्य बनाएको छ । । विद्यालयका शिक्षकले सामुदायिक विद्यालयका शिक्षकले पनि गुणस्तरीय पठन पठान गर्दछन् भन्ने प्रमाणित गरेका छन् ।
