रामेछापको खाँडादेवी गाउँपालिकाबाट काठमाडौं जादै गरेको बस दुर्घटना, १३ घाइते, ३ को अवस्था गम्भिर


रामेछाप । जिल्लाको खाँडादेवी गाउँपालिकाबाट काठमाडौं जादै गरेको बा ३ ख ४०४८ नम्बरको रिर्जभ बस खाँडादेवी गाउँपालिका–३ भिरपानीको गुन्डुखोला भन्ने ठाउँमा दुर्घटनामा परेको छ ।

दुर्घटनामा १३ जना घाइते भएका छन् । घाइते हुनेहरुमा जिल्ला रामेछाप खाँडादेवि ७ पात्ले बस्ने बर्ष ३४ को युबराज तामाङ, ऐ ऐ बस्ने बर्ष २९ को अजय तामाङ, बर्ष २७ को सुस्मिता तामाङ, बर्ष २३ को रस्मि तामाङ, बर्ष १८ की सपना तामाङ, बर्ष ३० को रमेश तामाङ, बर्ष २४ को बास्ना घिसिङ, बर्ष २४ को बिकाश तामाङ, बर्ष ३३ को श्याम लामा, बर्ष ४२ की रिता घिसिङ, खाँडादेवि ३ बस्ने बर्ष १५ की प्रेरणा श्रेष्ठ, खाँडादेवि ७ बस्ने बर्ष २८ की सुमित्रा कार्की, र २८ को धनराज तामाङ घाइते भएका छन् ।

घाइते मध्ये तीन जनाको अवस्था गम्भीर रहेको जिल्ला प्रहरी कार्यालय रामेछापका डिएसपी राजकुमार थिङले जानकारी दिए । उनका अनुसार रिजर्भ बस ओरालो मोडमा अनियन्त्रित भई सडक छेउमा पल्टिदा बसमा सवार १६ जना मध्ये १३ जना घाइते भएका हुन् । डिएसपी थिङका अनुसार घाइतेहरुको उद्दार गरी थप उपचारको लागि धुलिखेल अस्पताल पठाइएको छ ।

तपाईको प्रतिकृया दिनुहोस्