रामेछाप । रामेछापको मन्थली नगरपालिका–७ को कौछिनीमा बलेरो दुर्घटना हुँदा चार जनाको घटनास्थलमै मृत्यु भएको छ । मृत्यु हुनेमा सोही ठाउँका जेसुन थोकर,ज्यानरानी तामाङ,नन्द माया भण्डारी र एक ११ बर्षिय बालिकाको रहेको वडाअध्यक्ष भुवनहरी प्रसाईले बताए । दुर्घटनामा चालक शंकर आले सहित ५ जना घाईतहरुको अवस्था गम्भिर रहेको पनि प्रसाईले बताए ।
दुर्घटनामा ११ जनाभन्दा बढी घाइते भएका छन् । घाइतेहरूको मन्थलीका विभिन्न अस्पतालमा उपचार भइरहेको जिल्ला प्रहरी प्रमुख होमबहादुर पराजुलीले बताए। स्थानीयवासी र प्रहरीद्वारा घाइतेहरूको उद्धार गरी ११ जनालाई मन्थली अस्पतालमा उपचारका लागि पठाइएको छ ।
मन्थली–७ स्थित कौछिनीतर्फ जाँदै गरेको वा ११ च ५५३ नं को बलेरो सडकबाट करिब ७० मिटर तल झरेको थियो । दुर्घटनाबारे विस्तृत विवरण भने आउन बाँकी रहेको प्रहरीले जनाएको छ ।
