रामेछाप । कौछिनीमा भएको बोलेरो दुर्घटनामा परि मृत्यु हुनेको संख्या पाँच पुगेृको छ ।
यसअगाडि दुर्घटना स्थलमै ४ जनाको मृत्यु भएको थियो ।
मन्थली अस्पतालमा उपचारको क्रममा बा ११ च ५५३ नम्बरको बोलेरो चालकको मृत्यु भएको जिल्ला प्रहरीका सूचना अधिकारी राजु प्रसाद ढकालले जानकारी दिए ।
दुर्घटनामा सोही ठाउँका जेसुन थोकर, ज्यानरानी तामाङ, नन्द माया भण्डारी र ११ वर्षीय बालिका लाक्पा शेर्पाको घटना स्थलमै मृत्यु भएको हो । अन्यको मन्थली अस्पताल र रामेछाप समुदायिक अस्पतालमा उपचार जारी छ ।
रामेछाप प्रहरीका सूचना अधिकारी ढकालका अनुसार ३ जनालाई थप उपचारको लागि काठमाडौँ रेफर गरिएको छ । उनीहरूको परिचय खुल्न बाँकी छ । बोलेरोमा १२ जना सवार रहेको प्ररम्भीक अनुसन्धानबाट खुलेको छ । दुर्घटना के कारणले भएको खुलेको छैन् ।
