रामेछाप ।मन्थली नगरपालिका वडा नं. ७ भटौलीको सहरी स्वास्थ्य केन्द्र मानेडाँडामा निर्माण गरिएको शौचालयको प्राविधिक अनुगमनमा खटिएका प्राविधिकलाई घुस दिएको सहरी स्वास्थ्य केन्द्र मानेडाँडाको शौचालय निर्माण समितिक अध्यक्ष नरबहादुर तामाङले बताएका छन ।
स्थानिय शिक्षक गुणराज तामाङको हातमा ८ हजार रुपैया सव.इन्जिनियर कृष्णदास श्रेष्ठलाई घुस दिन भनेर योजनाबाट भूक्तानी आएको रकम पठाएको तमाङले बताएका छन । तामाङ भन्छन – ‘हामीले प्राविधिकलाई दिन भनेर ८ हजार छुट्याएको हो, त्यो ८ हजार मैले गुणराज सरलाई दिएको छु।’
यता कालिका देवि निमाविका शिक्षक गुणराज तामाङ आफूले सम्पूर्ण बिल भर्पाई मिलाई दिएको तर पैसा नलिएको बताउँछन । तमाङ भन्छन्- ‘उपभोक्ता समितिलाई बिल भर्पाई मिलाउने तरिका थाहा नभएकोले मैले बिल भर्पाई मिलाई दिएको हो । तर कसैलाई दिन भनेर मैले पैसा लिएको होईन । ढलानको दिन मासु खुवाउन र अपुग सिमेन्ट किन्न चाँहि पैसा लिएको हो ।’
प्राविधिक अनुगमनमा खटिएका सव.इन्जिनियर कृष्णदास श्रेष्ठ पनि आफूले कुनै रकम नलिएको बताउँछन । श्रेष्ठ भन्छन्-त्यो मुला २ लाख ३ लाखको योजनामा म त्यस्तो गर्ने मान्छे होईन। मैले यो योजनाबाट एक पैसा पनि लिएको छैन । यहाँ सरासर मलाई बेईजत गर्ने काम भएको हो ।’
यो विषयमा आफूलाई कुनै जानकारी नभएको मन्थली नगरपालिकाका प्रमुख प्रशासकीय अधिकृत हरि प्रसाद चापागाई बताउछन् । उनि भन्छन् – मलाई यो विषयमा कुनै जानकार छैन। तपाईलाई कसले भन्यो? हामीलाई कुनै उजुरी निवेदन आएको छैन । उजुरी आए छानबिन गर्छौँ ।
यो योजनाका लागि मन्थली नगरपालिकाले २ लाख रुपैया बजेट बिनियोजन गरेको थियो ।
